ଛୋଟ ପିଲା ମାଟି ପିଣ୍ଡୁଳା। ଏହି ସମୟରୁ ସେମାନଙ୍କୁ ଆଚାର ବ୍ୟବହାର ଶିଖାଇଲେ ସେମାନେ ଭବିଷ୍ୟତରେ ନିଜକୁ ଜଣେ ଆଦର୍ଶ ପିଲା ଭାବରେ ଗଢ଼ିପାରିବେ। ତେବେ
ଏ ନେଇ ଯେଉଁ କେତୋଟି ବିଷୟ ପ୍ରତି ନଜର ଦେବାକୁ ପଡିଥାଏ ଜାଣନ୍ତୁ ସେ ସମ୍ପର୍କରେ…
ଘରର ମାହୋଲ ଏପରି ରଖନ୍ତୁ ଯେପରିକି ସେ ବଡ଼ମାନଙ୍କ ଆଦର ଓ ସମ୍ମାନ କରିବ।
ସାନମାନଙ୍କ ପ୍ରତି ଭଲପାଇବା ଓ ତ୍ୟାଗ ଭାବନା ମଧ୍ୟ ଶିଖାନ୍ତୁ।
ବଡ଼ମାନଙ୍କ ବ୍ୟବହାର ଦେଖି ପିଲାମାନେ ନକଲ କରିଥାନ୍ତି। ତେଣୁ ସେମାନଙ୍କ ସାମ୍ନାରେ ଆପଣ ଭଲ ବ୍ୟବହାର କରନ୍ତୁ।
ଯଦି ସେ କିଛି ଭୁଲ୍ କରୁଛି ତେବେ ଗାଳି କିମ୍ବା ମାଡ଼ ନ ଦେଇ ଆଦରରେ ବୁଝାନ୍ତୁ।
ସତ କହିବାର ମହତ୍ତ୍ୱ ପିଲାକୁ ବୁଝାନ୍ତୁ। ଯଦି ତାକୁ କୌଣସି ପ୍ରତିଶ୍ରୁତି ଦେଉଛନ୍ତି ତେବେ ତାହାକୁ ପୂରଣ କରନ୍ତୁ। ଏପରି ନ କଲେ ସେମାନଙ୍କ ମନରେ ମଧ୍ୟ ସେଭଳି ଭାବନା ରହିଯିବ।
ଯଦି ଆପଣଙ୍କ ପିଲା କିଛି ଭଲ କାମ କରୁଛି ତେବେ ତାକୁ ଖୁସି କରିବା ପାଇଁ ପୁରସ୍କାର ସ୍ବରୂପ ସାଙ୍ଗସାଥୀଙ୍କ ସହ ଖେଳିବାକୁ ଦିଅନ୍ତୁ ବା ମନ ପସନ୍ଦର ଟିଭି ଚ୍ୟାନେଲ ଦେଖିବାକୁ ଦିଅନ୍ତୁ।
ଏପରି ଅନୁଶାସନରେ ବଢ଼ାନ୍ତୁ ଯେପରି ସ୍କୁଲ ଆସିବା ପରେ ସେ ସ୍କୁଲ ବ୍ୟାଗ୍,ଡ୍ରେସ୍ ନିଜ ଜାଗାରେ ରଖିପାରୁଥିବ।
ଘରେ ବଡ଼ମାନଙ୍କ ସହ କିପରି କଥାବାର୍ତ୍ତା କରିବ ଶିଖାଇବା ସହ ବାହାର ଲୋକଙ୍କ ସହିତ କିପରି କଥାବାର୍ତ୍ତା ଓ ବ୍ୟବହାର କରିବ ବି ଶିଖାନ୍ତୁ।
ପିଲାଙ୍କ ସହ ଉତ୍ତମ ସାଙ୍ଗ ଭଳି ବ୍ୟବହାର କରନ୍ତୁ ଯେପରି କୌଣସି କଥା ଆପଣଙ୍କୁ କହିବାକୁ ସେ ସଙ୍କୋଚ କରିବ ନାହିଁ।
ପିଲାକୁ ସରି ବା ଥ୍ୟାଙ୍କ୍ ୟୁ କହିବାର ଅଭ୍ୟାସ କରାନ୍ତୁ।