କୋକସରା,୨୦।୯(ଡି.ଏନ.ଏ.)-କଳାହାଣ୍ଡି ଜିଲା ଧର୍ମଗଡ ବିଧାୟକ ମୌଷଧି ବାଗ ଗୁରୁବାର କୋକସରା ବ୍ଲକର କେତେକ ସ୍କୁଲ ପରିଦର୍ଶନ କରିଛନ୍ତି। ଏହି ଅବସରରେ ସେ ପିଲାମାନଙ୍କୁ ପାଠ ପଢାଇବା ସହ ପିଲାଙ୍କ ସାଙ୍ଗରେ ମିଶି ମଧ୍ୟାହ୍ନ ଭୋଜନ ମଧ୍ୟ ଖାଇଛନ୍ତି । ବିଧାୟକ କୋକସରା ବ୍ଲକ କାଉଡୋଳା ପ୍ରାଥମିକ ବିଦ୍ୟାଳୟ, ବଡପୋଡାଗୁଡା ପ୍ରାଥମିକ ବିଦ୍ୟାଳୟ ଅଚାନକ ପହଞ୍ଚତ୍ ସ୍କୁଲର ପରିବେଶ ଓ ଭିତ୍ତିଭୂମି ବୁଲି ଦେଖିବା ସହ ପିଳାମାନଙ୍କ ପାଖରେ ବସି କେମିତି ପାଠପଢା ହେଉଛି, ସ୍କୁଲ ଶିକ୍ଷକମାନେ ନିୟମିତ ଆସୁଛନ୍ତି କି ନାହିଁ ବୋଲି ପଚାରିବା ସହ ସେମାନଙ୍କୁ ଗଣିତରେ ମେଳାଙ୍କ ଓ ପଣିକିଆ ଓ ଇଂଲିଶର କିଛି ଶଦ୍ଧର ଉଚ୍ଚାରଣ କରିବାକୁ କହିଥିଲେ। ବଡପୋଡାଗୁଡା ପଞ୍ଚାୟତରେ ପହଞ୍ଚତ୍ ଆବାସ ଯୋଜନରେ ହିତାଧିକାରୀମାନଙ୍କୁ କାର୍ଯ୍ୟାଦେଶ ବଣ୍ଟନ କରି ନିର୍ଦ୍ଦାରିତ ସମୟ ସୀମା ମଧ୍ୟରେ ଘର କାର୍ଯ୍ୟ ସମାପ୍ତ କରି ପ୍ରତ୍ସାହନ ରାଶି ପାଇଁବାକୁ ଚେଷ୍ଠା କରନ୍ତୁ ବୋଲି କହିଥିଲେ। ପରେ ଆମପାଣିଠାରେ ଥିବା ଜନଜାତି ଆବାସିକ ବିଦ୍ୟାଳୟକୁ ପହଞ୍ଚତ୍ ଏଠାରେ ରହୁଥିବା ଅନ୍ତ୍ୟେବାସୀମାନଙ୍କ ହଷ୍ଟେଲ ସହ ପାନୀୟ ଜଳ ଓ ଖାଦ୍ୟର ମାନ ପରୀକ୍ଷା କରିବା ପାଇଁ ପିଲାମାନଙ୍କ ସାଥିରେ ମିଶି ଭୋଜନ କରିଥିଲେ। ବିଧାୟକଙ୍କୁ ପାଖରେ ପାଇ ସ୍କୁଲ ଛାତ୍ରୀଛାତ୍ରମାନେ ଖୁସି ଥିବା ବେଳେ ଶିକ୍ଷକ, ଶିକ୍ଷୟିତ୍ରୀ ଓ ସ୍କୁଲର କର୍ମଚାରୀମାନଙ୍କ ସହ ବିଧାୟକ ଆଲୋଚନା କରି ଶିକ୍ଷାକୁ ବ୍ରତ ରୁପେ ଗ୍ରହଣ କରି ପିଲାମାନଙ୍କୁ ଉଚିତ ମାର୍ଗଦର୍ଶନ ଦିଅ ବୋଲି କହିଥିଲେ।