ମୁମ୍ବାଇ: ବଲିଉଡ ଅଭିନେତ୍ରୀ ଅନନ୍ୟା ପାଣ୍ଡେ ରବିବାର ବିଶ୍ୱ ମାତୃ ଦିବସ ଅବସରରେ ନିଜର ପିଲାବେଳର ଏକ ଭିଡିଓ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଭିଡିଓରେ ସେ ତାଙ୍କ ମା’ ଭାବନା ପାଣ୍ଡେଙ୍କ ସହ ଥିବା ଦେଖିବାକୁ ମିଳିଛି। ଉଭୟ ଏହି ଭିଡିଓରେ ବହୁତ ମସ୍ତି କରୁଛନ୍ତି। ଏଥିରେ ଅନନ୍ୟା ତାଙ୍କ ମା’ଙ୍କୁ କହୁଛନ୍ତି ଯେ, ଦୁନିଆରେ ମୁଁ ଯାହାଙ୍କୁ ବହୁତ ପସନ୍ଦ କରେ ସେ ମୋ ମା’। ଅନନ୍ୟା ଆଉ ଏକ ଭିଡିଓ ଶେୟାର କରି ଲେଖିଛନ୍ତି ଯେ, ମୋ ମା’ ମୋ ସହିତ ଛୋଟ ପିଲାଙ୍କ ଭଳି ଖେଳୁଥିଲେ ମଧ୍ୟ। ସେ ମୋର ବହୁତ କ୍ଲୋଜ। ଜଣେ ଭଲ ବାନ୍ଧବୀ । ସେ ଏହି ଫଟୋ ଶେୟାର କରି ଦୁନିଆର ସବୁ ମା’ମାନଙ୍କୁ ବିଶ୍ୱ ମାତୃ ଦିବସର ଶୁଭକାମନା ଜଣାଇଛନ୍ତି। ତେବେ ଏହି ଭିଡିଓଗୁଡ଼ିକୁ ସେତେବେଳେ ତାଙ୍କ ବାପା ଚଙ୍କି ପାଣ୍ଡେ ସୁଟ୍ କରିଥିଲେ। ସେ ଛୋଟବେଳେ ବହୁତ କ୍ୟୁଟ୍ ଥିଲେ। ତାଙ୍କର ଏହି ଭିଡିଓ ଇନ୍ଷ୍ଟାଗ୍ରାମରେ ଭାଇରାଲ ହେବାରେ ଲାଗିଛି। ସମଗ୍ର ଦେଶ ଆଜି କରୋନା ସହ ଲଢ଼େଇ କରୁଛି। ସମସ୍ତଙ୍କୁ ଘରେ ସୁରକ୍ଷିତ ରହି କରୋନା ଭଳି ମହାମାରୀକୁ ଆମ ଦେଶରୁ ହଟାଇବାକୁ ପଡ଼ିବ। ସେଥିଲାଗି ଘରେ ରୁହନ୍ତୁ। ସୁରକ୍ଷିିତ ରୁହନ୍ତୁ ବୋଲି ଅନନ୍ୟା କହିଛନ୍ତି।