ନୂଆଦିଲ୍ଲୀ,୨୧-୧୦: ଚଳିତ ମାସ ବର୍ତ୍ତମାନ ପର୍ଯ୍ୟନ୍ତ ଫରେନ ପୋର୍ଟଫୋଲିଓ ନିବେଶକ(ଏଫ୍ପିଆଇ) ମାନେ ପୁଞ୍ଜି ବଜାରରେ ୫,୦୭୨ କୋଟି ଟଙ୍କାର ନିବେଶ କରିଛନ୍ତି। ନିବେଶକଙ୍କୁ ବଜାର ସହ ଜଡିତ କରି ରଖିବା ଲାଗି ସରକାର ନିରନ୍ତର ଭିତ୍ତିରେ ପଦକ୍ଷେପ ନେଉଥିବା ଜଣାପଡିଛି। ଏହାର ପୂର୍ବବର୍ତ୍ତୀ ମାସରେ ଏହି ନିବେଶକମାନେ ୬,୫୫୭ କୋଟି ଟଙ୍କା ନିବେଶ କରିଥିଲେ। ଉଭୟ ଇକ୍ୱିଟି ଏବଂ ଡେଟ୍ରେ ଏହି ନିବେଶ ହୋଇଥିଲା। ଜୁଲାଇ ଏବଂ ଅଗଷ୍ଟରେ ନିବେଶକମାନେ ବଜାରରୁ ପୁଞ୍ଜି ପ୍ରତ୍ୟାହାର କରିବା ପରେ ଏଭଳି ନିବେଶ ଦେଖିବାକୁ ମିଳିଛି। ପୁଞ୍ଜି ବଜାର ଡିପୋଜିଟୋରୀ ତଥ୍ୟ ମୁତାବକ ବିଦେଶୀ ନିବେଶକମାନେ ୪୯୭୦ କୋଟି ଟଙ୍କା ଇକ୍ୱିଟିରେ ଏବଂ ୧୦୨ କୋଟି ଟଙ୍କା ଡେଟରେ ନିବେଶ କରିଥିବା ଜଣାପଡିଛି।