ମୁମ୍ବାଇ: ବଲିଉଡ୍ ନାୟିକା ସୋନାଲି ବେନ୍ଦ୍ରେ ୨୦୧୮ରେ କ୍ୟାନସରରେ ପୀଡିତ ହେବା ପରଠାରୁ ଆଉ ବଡ ପରଦାରେ ନଜର ଆସି ନାହାଁନ୍ତି। ତେବେ ସେ କ୍ୟାନସରର ଚିକିତ୍ସା ପାଇଁ କିଛି ମାସ ନ୍ୟୁୟର୍କରେ ରହିବା ପରେ ଏବେ ସୁସ୍ଥ ହୋଇ ଭାରତ ଫେରି ସାରିଛନ୍ତି। ଆଉ ତାଙ୍କ ସୁସ୍ଥତାକୁ ଦେଖି ତାଙ୍କ ଫ୍ୟାନମାନେ ଅଶା ରଖିଛନ୍ତି କି ସେ ପୁଣି ଥରେ ଅଭିନୟ ଦୁନିଆକୁ ଫେରନ୍ତୁ। ଆଉ ଏହାକୁ ନେଇ ଏବେ ସୋନାଲିଙ୍କ ସ୍ବାମୀ ଗୋଲଡି ବହଲ କହିଛନ୍ତି ସୋନାଲି ପୁଣି ଫେରିବେ ବଡ ପରଦାକୁ। ହେଲେ କେବେ ଫେରିବେ ତାହା ସ୍ପଷ୍ଟ କରି ନାହାଁନ୍ତି। ଅନ୍ୟପଟେ ସୋନାଲି ମଧ୍ୟ କୌଣସି ପ୍ରୋଜେକ୍ଟ ପାଇଁ ସାଇନ୍ କରି ନ ଥିବା ଜଣାପଡିଛି। ତେବେ ସେ ଯେ ଫେରିଲେ ତାଙ୍କ ପ୍ରଶଂସକ ସବୁଠାରୁ ଅଧିକ ଖୁସି ହେବେ ଏଥିରେ ଦ୍ୱିମତ ହେବାର ନାହିଁ। ତାଙ୍କର ସୁସ୍ଥ ଜୀବନ କାମନା କରି ଏବେବି ଅନେକେ ଅପେକ୍ଷା ରଖିଛନ୍ତି ତାଙ୍କ ଲେଉଟାଣିକୁ। ହୁଏତ ଖୁବଶୀଘ୍ର ଏହାକୁ ନେଇ ସୋନାଲି ତାଙ୍କ ପ୍ରଶଂସକଙ୍କୁ ଖୁସି ଖବର ଦେଇପାରନ୍ତି।
