ମୁମ୍ବାଇ: ବଲିଉଡ୍ ନିର୍ଦ୍ଦେଶକ ସତିଶ କୌଶିକ ଓ ଅଭିନେତା ସଲମାନ ଖାଁ ପୁଣିଥରେ ଏକାଠି ହେବାକୁ ଯାଉଛନ୍ତି। ଶୁଣିବାକୁ ମିଳିଛି କି ପୂର୍ବରୁ ଏମାନଙ୍କ ଯୋଡି ‘ତେରେନାମ୍’ ଭଳି ହିଟ୍ ଫିଲ୍ମ ଭେଟି ଦେଇଥିବା ବେଳେ ଏବେ ଏହାର ସିକ୍ୟୁଏଲ ନିର୍ମାଣ କରାଯିବ ବୋଲି ଶୁଣାଯାଉଛି। ତେବେ ଏହାର ସିକ୍ୟୁଏଲରେ ସତିଶ ଓ ସଲମାନ ଉଭୟେ ନିର୍ଦ୍ଦେଶନା ଦେବେ ବୋଲି କୁହାଯାଉଛି। ୨୦୦୩ରେ ରିଲିଜ୍ ହୋଇଥିବା ଏହି ଫିଲ୍ମର ଗୀତ ଆଜିବି ଦର୍ଶକ ତଥା ଶ୍ରୋତାଙ୍କ ନିକଟରେ ଅଭୁଲା ହୋଇ ରହିଛି। ଏବେ କିନ୍ତୁ ଉଭୟ ‘କାଗଜ’ରେ କାମ କରିବେ ବୋଲି ଜଣାପଡିଛି।