ମୁମ୍ବାଇ: ବଲିଉଡ୍ ନାୟକ ରଣବୀର କପୁର ପୁଣିଥରେ ତାଙ୍କ ଏକ୍ସ ଗର୍ଲ ଫ୍ରେଣ୍ଡଙ୍କ ସଙ୍ଗେ ସ୍କ୍ରିନ୍ ଶେୟାର କରିବେ ବୋଲି ଶୁଣିବାକୁ ମିଳିଛି। ହେଲେ କ୍ୟାଟ୍ରିନା ନୁହେଁ ବରଂ ଦୀପିକାଙ୍କ ସହ ରଣବୀର ନଜର ଆସିବେ ବୋଲି କୁହାଯାଉଛି। ମିଳିଥିବା ଖବରରୁ ଜଣାପଡିଛି ରଣବୀର ସଞ୍ଜୟ ଲିଲା ଭଂସାଲିଙ୍କ ଫିଲ୍ମ ‘ବୈଜୁ ବାଓ୍ବରା’ ଫିଲ୍ମରେ ସାଇନ୍ କରିପାରନ୍ତି। ଆଉ ଏଥିରେ ତାଙ୍କ ଅପୋଜିଟରେ ନାୟିକା ଦୀପିକାଙ୍କୁ ଦେଖିବାକୁ ମିଳିପାରେ। ଯଦିଓ ଏହା ଅଫିସିୟାଲି କୁହାଯାଇନାହିଁ ତେବେ ବିଶେଷ ସୂତ୍ରରୁ ଏହା ଜଣାପଡିଛି। ତେବେ ଲକ୍ଡାଉନ ଖୋଲିଲେ ଉଭୟ ଏହି ଫିଲ୍ମରେ ସାଇନ୍ କରିବାକୁ ମନା କରି ନ ପାରନ୍ତି ବୋଲି ଅନୁମାନ କରାଯାଇଛି। ପୂର୍ବରୁ ଦୀପିକା-ରଣବୀରଙ୍କ ଯୋଡିଙ୍କୁ ଦର୍ଶକେ ବେଶ୍ ପସନ୍ଦ କରିଥିବା ବେଳେ ଏମାନଙ୍କ ଅଭିନୀତ ଫିଲ୍ମ ହିଟ୍ ମଧ୍ୟ ହୋଇଛି।