ନୂଆଦିଲ୍ଲୀ,୨୨।୮: ଭାରତୀୟ ବାୟୁସେନର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନ ପୁଣିଥରେ ମିଗ୍-୨୧ ବିମାନ ଉଡାଇଥିବା ପ୍ରକାଶ କରିଛନ୍ତି ଜଣେ ବାୟୁସେନା ଅଧିକାରୀ। ବେଙ୍ଗାଲୁରୁରେ ଥିବା ବାୟୁସେନାର ଇନଷ୍ଟିଚ୍ୟୁଟ ଅଫ୍ ଏରୋସ୍ପେଶ୍ ମେଡିସିନରେ ପ୍ରାୟ ୩ ସପ୍ତାହ ପୂର୍ବରୁ ଚିକିତ୍ସା ଯାଞ୍ଚ ପରେ ଅଭିନନ୍ଦନ ଯୁଦ୍ଧ ବିମାନ ଉଡାଇବାକୁ ଫିଟ୍ ଘୋଷଣା କରାଯାଇଥିଲା। ସୂଚନାଯୋଗ୍ୟ, ଗତ ଫେବୃୟାରୀରେ ବାଲାକୋଟ ସର୍ଜିକାଲ ଷ୍ଟ୍ରାଇକ୍ ସମୟରେ ପାକିସ୍ତାନର ଯୁଦ୍ଧ ବିମାନ ସୀମାରେ ପ୍ରବେଶ କରିବା ସମୟରେ ଏହାର କଡା ମୁକାବିଲା କରିଥିବା ଅଭିନନ୍ଦନ ପାକିସ୍ତାନ ଏଫ୍-୧୬ ଯୁଦ୍ଧ ବିମାନଙ୍କୁ ଧ୍ୱଂସ କରି ଦେଇଥିଲେ। ଏହାପରେ ସେ ଭୁଲବଶତଃ ପାକିସ୍ତାନ ସୀମାରେ ପ୍ରବେଶ କରିଥିବା ବେଳେ ପାକିସ୍ତାନ ସେନା ତାଙ୍କୁ ତାଙ୍କ କବ୍ଜାକୁ ନେଇଯାଇଥିଲେ। ଏହାପରେ ବେଶ୍ କିଛି ସମୟର ତର୍କ ବିତର୍କ ପରେ ପାକିସ୍ତାନ ଅଭିନନ୍ଦନଙ୍କୁ ଭାରତକୁ ଫେରାଇ ଦେଇଥିଲା।
