ଛତ୍ରପୁର,୨୪।୩(ଡି.ଏନ୍.ଏ.): କରୋନା ଭୟାବହତାକୁ ନେଇ ଗଞ୍ଜାମ ଜିଲା ପ୍ରଶାସନ କଡ଼ା ଆଭିମୁଖ୍ୟ ଗ୍ରହଣ କରି ଚାଲିଛି। ନିର୍ଦ୍ଦେଶନାମାକୁ ୧୨ଘଣ୍ଟା ପୂରି ନ ଥିବାବେଳେ ପୁଣି ନୂତନ ନିର୍ଦ୍ଦେଶନାମା ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଜାରି କରିଛନ୍ତି। ନୂତନ ନିର୍ଦ୍ଦେଶନାମା ଅନୁସାରେ ମଙ୍ଗଳବାରଠାରୁ ସକାଳ ୭ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ରାଶନ, ପରିବା, କ୍ଷୀର, ମାଛ, ମାଂସ, ଅଣ୍ଡା, ଫଳ ଆଦି ଜରୁରୀ ସାମଗ୍ରୀ ଦୋକାନ ଖୋଲିବ। ଅପରପକ୍ଷରେ ଔଷଧ ଦୋକାନ ଖୋଳିବା ଉପରେ କିଛି କଟକଣା ନାହିଁ। ଏହି ନିର୍ଦ୍ଦେଶନାମା ୨୯ ତାରିଖ ପର୍ଯ୍ୟନ୍ତ ବଳବତ୍ତର ରହିବ।
ପ୍ରକାଶଯୋଗ୍ୟ, ସକାଳ ୭ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଏହି ଜରୁରୀ ଦୋକାନ ଖୋଲିବ ବୋଲି ସୋମବାର ସନ୍ଧ୍ୟାରେ ଜିଲାପାଳ ନିର୍ଦ୍ଦେଶ ଦେଇଥିଲେ। ମଙ୍ଗଳବାର ଏଥିରେ ପରିବର୍ତ୍ତନ କରିବା ସହ ଜିଲାପାଳ ଛତ୍ରପୁର ବଜାରରେ ବୁଲି ଅନୁଧ୍ୟାନ କରିଛନ୍ତି।