ଦୀର୍ଘ ଦିନର ଶତ୍ରୁତା ପରେ ଏବେ ପୁଣି ଥରେ ସ୍କ୍ରିନ ସେୟାର କରିବାକୁ ଯାଉଛନ୍ତି ହାସ୍ୟ ଅଭିନେତା କପିଲ ଶର୍ମା ଏବଂ ସୁନୀଲ ଗ୍ରୋଭର। ଏହି ଦୁଇହିଁ ଏକାଠି କରିବାରେ ସଫଳ ହୋଇଛନ୍ତି ବଲିଉଡର ଭାଇଜାନ ସଲମାନ ଖାନ। ଖୁବଶିଘ୍ର ନିଜ ପେଣ୍ଡିଂ କାମ ଶେଷ କରି ସୁନୀଲ ଶୋ’ରେ ଯୋଗରେ ଦେବେ ବୋଲି କପିଲ କହିଛନ୍ତି। ଦୁହିଁଙ୍କ ମଧ୍ୟରେ ଝଗଡା ହୋଇ ସୁନୀଲ କପିଲଙ୍କ କମେଡି ଶୋ’ ଛାଡି ଦେଇଥିଲେ। ଯାହା ପରେ କପିଲଙ୍କ ସୋ’ର ଟିଆରପି କମିବା ଶୋ’ ଧୀରେ ଧୀରେ କପିଲଙ୍କ ସୋ’ ବନ୍ଦ ହୋଇ ଯାଇଥିଲା। ଅନେକ ଦିନର ବ୍ୟବଧାନ ପରେ କପିଲ ପୁଣି ଥରେ ଡିସେମ୍ବରରେ ନିଜର ନୂଆ ଶୋ’ ଆରମ୍ଭ କରିଥିଲେ। ବିବାହ ପରେ ତାଙ୍କ ଶୋ’ର ପ୍ରସାରଣ ହୋଇଥିଲା। କିଛି ଦିନର ବ୍ୟବଧାନ ପରେ ଦର୍ଶକ ପୁଣି ଥରେ କପିଲଙ୍କୁ ଆପଣେଇବା ଆରମ୍ଭ କରିବା ସହ ତାଙ୍କ ଶୋ’ର ଟିଆରପି ବି ବଢିଥିଲା ଥିଲା। ଏବେ ଶୋ’ର ଟିଆରପି ବଢିବା ସହ ସୁନୀଲଙ୍କ ସହ ତାଙ୍କ ଶତ୍ରୁତାର ଅନ୍ତ ଘଟିଥିବା ଜଣାପଡିଛି। ସୁନୀଲଙ୍କୁ ଶୋ’କୁ ଆଣିବା ପାଇଁ ସଲମାନ ବାରମ୍ବାର କପିଲଙ୍କୁ କହୁଥିଲେ ସୁଦ୍ଧା ଦୁହିଁଙ୍କ ମଧ୍ୟରେ କୌଣସି ସମାଧାନ ବାହାରି ପାରୁ ନ ଥିଲା। ସଲମାନଙ୍କ ନିଜ ଫିଲ୍ମ ‘ଭାରତ’ର ପ୍ରମୋଶନବେଳେ ଉଭୟଙ୍କ ସହ ଏକାଠି କଥା ହୋଇ ଶୋ’କୁ ପୁଣି ଥରେ ଫେରିବାକୁ ସୁନୀଲଙ୍କୁ ଅନୁରୋଧ କରିଥିଲେ।