ରାଜକୋଟ,୧୭।୧- ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନ ତଥା ଭାରତୀୟ ଅଧିନାୟକ ବିରାଟ କୋହଲି ପୁଣି ଥରେ ଅଷ୍ଟ୍ରେଲିଆନ ଲେଗ୍ ସ୍ପିନର ଆଡାମ ଜାମ୍ପାଙ୍କ ବଲରେ ଆଉଟ୍ ହୋଇଛନ୍ତି। ୭୬ ବଲରେ ୭୮ ରନ୍ କରି ଖେଳୁଥିବା କୋହଲି ସ୍ପିନର ଜାମ୍ପାଙ୍କ ବଲକୁ ଉଠାଇ ମାରିବାକୁ ଚେଷ୍ଟା କରି ମିଚେଲ ଷ୍ଟାର୍କଙ୍କ ହାତରେ ଧରାପଡ଼ିଥିଲେ। ଗତ ମ୍ୟାଚ୍ରେ ମଧ୍ୟ ଜାମ୍ପା କୋହଲିଙ୍କ ଉଇକେଟ ନେଇଥିଲେ। ଏହାକୁ ମିଶାଇ ଅନ୍ତର୍ଜାତୀୟ ଦିନିକିଆ କ୍ରିକେଟରେ ଜାମ୍ପା ୫ ଥର ପାଇଁ କୋହଲିଙ୍କ ଉଇକେଟ ହାତେଇଛନ୍ତି। କୋହଲି ଆଉଟ୍ ହେବା ପୂର୍ବରୁ ୬ ଚୌକା ସହାୟତାରେ ୭୮ ରନ୍ କରିଥିଲେ।