ପୁଣି ଥରେ ଅଜା, ଆଈ ହେଲେ ଧର୍ମେନ୍ଦ୍ର-ହେମା

ମୁମ୍ବାଇ: ବଲିଉଡ୍‌ ନାୟିକା ହେମାମାଳିନୀ ଓ ତାଙ୍କ ସ୍ବାମୀ ଧର୍ମେନ୍ଦ୍ର ପୁଣିଥରେ ଆଈ ଓ ଅଜା ହୋଇଛନ୍ତି। ଏମାନଙ୍କ ଝିଅ ଇଶା ଦଓ୍ବେଲ ପୁଣି ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଇନଷ୍ଟାଗ୍ରାମରେ ଇଶା ଏହା ଜଣାଇବା ପରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି। ଝିଅର ନାଁ ମିରାୟା ତଖତାନି ରଖାଯାଇଛି। କିଛିଦିନ ତଳେ ଇଶା ଗର୍ଭବତୀ ଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଗତ ଜାନୁୟାରୀରେ ସେ ଗର୍ଭବତୀ ଥିବା ସମସ୍ତଙ୍କୁ ଜଣାଇଥିଲେ। ଏହାସହ ବଡ ଝିଅକୁ ନେଇ ଏକ ଫଟୋ ଶେୟାର କରି ଇଶା ଲେଖିଥିଲେ ତାଙ୍କ ବଡ ଝିଅଙ୍କର ଏବେ ପ୍ରମୋଶନ ହେବାକୁ ଯାଉଛି। ସେ କିଛି ଦିନ ପରେ ବଡ ଭଉଣୀ ହେବେ।