ନୂଆଦିଲ୍ଲୀ,୧୮।୬: ଏଚ୍ଏମ୍ଡି ଗ୍ଲୋବାଲ ପକ୍ଷରୁ ଭାରତ ବଜାର ଲାଗି ନୂଆ ନୋକିଆ ୫୩୧୦ ଶୁଭାରମ୍ଭ କରାଯାଇଛି। ମୂଳ ନୋକିଆ ୫୩୧୦ ଏକ୍ସପ୍ରେସ ମ୍ୟୁଜିକକୁ ନୂଆ କରି ନୂଆ ନୋକିଆ ୫୩୧୦ରେ ଏକ ଏମ୍ପି ୩ ପ୍ଲେୟର, ଏଫ୍ଏମ୍ ରେଡିଓ, ଶକ୍ତିଶାଳୀ ଡୁଆଲ ଫ୍ରଣ୍ଟ ସେଟିଂ ସ୍ପିକରକୁ ସାମିଲ କରାଯାଇଛି। ମଡେଲଟି ଡୁଆଲ ସିମ୍ ଯୁକ୍ତ ହୋଇଥିବା ବେଳେ ଏହାର ବଜାର ଦର ୩୩୯୯ ଟଙ୍କା ରହିଛି। ଏହା ଧଳା-ଲାଲ ଏବଂ କଳା-ଲାଲ ରଙ୍ଗରେ ଉପଲବ୍ଧ। ଉନ୍ନତ ଡିଜାଇନ ଏବଂ ବ୍ୟାଟେରି ବ୍ୟାକ୍ଅପ୍ ସହ ଏହା ଆସିଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି।