ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏବେ ସୋସିଆଲ୍ ମିଡିଆରେ ବେଶ୍ ଆକ୍ଟିଭ୍ ରହୁଛନ୍ତି। ଓ୍ବେଷ୍ଟଇଣ୍ଡିଜ୍ ସିରିଜକୁ କ୍ଲିନ୍ସୁଇପ୍ କରିବା ପରେ ବିରାଟ ବାହିନୀ ଏବେ ଦକ୍ଷିଣ ଆଫ୍ରିକା ସିରିଜ୍ ପାଇଁ ପ୍ରସ୍ତୁତି ଚଳାଇଛି। ଏହା ପୂର୍ବରୁ ସ୍ତ୍ରୀ ଅନୁଷ୍କା ଶର୍ମାଙ୍କ ସମୟ ବିତାଉଛନ୍ତି ବିରାଟ। ସମୟ ମିଳିଲେ ସେ ବିଜ୍ଞାପନ ଶୁଟିଂ ମଧ୍ୟ କରୁଛନ୍ତି। ନିକଟରେ ଏକ ବିବାହ ଡ୍ରେସ୍ର ବିଜ୍ଞାପନ ଶୁଟିଂବେଳେ ବିରାଟଙ୍କୁ ବର ବେଶରେ ସଜେଇ ହୋଇଥିବାର ଦେଖିବାକୁ ମିଳିଥିଲା। ବିଭିନ୍ନ ରଙ୍ଗର ଶେରଓ୍ବାନୀ ପିନ୍ଧି ପୋଜ୍ ଦେଇଥିଲେ ବିରାଟ। ଏହାର ଫଟୋ ସେ ନିଜ ସୋସିଆଲ୍ ଆକାଉଣ୍ଟରେ ଶେୟାର କରିଛନ୍ତି।