ମାଣ୍ଡ୍ୟା,୨୭।୧୧: ପୁଣି ଭାବବିହ୍ବଳ ହେଲେ କୁମାରସ୍ବାମୀ। ନିଜ ସମର୍ଥକଙ୍କୁ ସମ୍ବୋଧିତ କରିବା ସମୟରେ କାନ୍ଦି ପକାଇଲେ କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ଏଚ୍.ଡି. କୁମାରସ୍ବାମୀ। ସୂଚନାଯୋଗ୍ୟ, କର୍ନାଟକର ମାଣ୍ଡ୍ୟାରେ ଆୟୋଜିତ ଏକ ସଭାରେ ନିଜ ସମର୍ଥକଙ୍କୁ ସମ୍ବୋଧିତ କରିଥିଲେ କୁମାରସ୍ବାମୀ। ସେହି ସମୟରେ ତାଙ୍କର କ’ଣ ଦୋଷ ଥିଲା ଯେ ତାଙ୍କୁ ମାଣ୍ଡ୍ୟା ଜନସାଧାରଣ ହରାଇଦେଲେ ବୋଲି କହି କାନ୍ଦି ପକାଇଥିଲେ। ସେ ଆହୁରି ମଧ୍ୟ କହିଛନ୍ତି, ତାଙ୍କ ପୁଅ ନିର୍ବାଚନ ଲଢ଼ୁ ସେ ଚାହୁଁ ନ ଥିଲେ। ହେଲେ ସମର୍ଥକଙ୍କ କହିବା ଯୋଗୁ ପୁଅ ନିର୍ବାଚନ ଲଢ଼ିବା ପାଇଁ ସେ ରାଜି ହୋଇଥିଲେ। କିନ୍ତୁ ପୁଅ ନିର୍ବାଚନ ଲଢ଼ି ହାରିଯାଇଥିଲା। ତେଣୁ ରାଜନୀତିରେ କିଏ ତାଙ୍କୁ ସମର୍ଥନ କରୁଛି ଓ ଆଘାତ ପହଞ୍ଚାଉଛି ବିଶ୍ୱାସ କରିବି ଜାଣିପାରୁନି ବୋଲି କହି କୁମାରସ୍ବାମୀ କାନ୍ଦି ପକାଇଥିଲେ। ଏହାପୂର୍ବରୁ ମଧ୍ୟ ସେ ମାଣ୍ଡ୍ୟାର ଏକ ରାଲିକୁ ସମ୍ବୋଧିତ କରିବା ସମୟରେ କାନ୍ଦି ପକାଇଥିଲେ।