ବିଞ୍ଝାରପୁର,୧୯ା୬(ଡି.ଏନ୍.ଏ.)- ବିଞ୍ଝାରପୁର ବ୍ଲକ ଅନ୍ତର୍ଗତ ସୟଦପୁରସ୍ଥିତ ବ୍ରଜସୁନ୍ଦର ଉଚ୍ଚ ବିଦ୍ୟାଳୟ ପରିସରରେ ବୁଧବାର ୧୯୮୬ ମାଟ୍ରିକ୍ ବ୍ୟାଚ୍ ଛାତ୍ରୀଛାତ୍ରଙ୍କ ବାର୍ଷିକ ବନ୍ଧୁମିଳନ ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ପୁରାତନ ଛାତ୍ର ପ୍ରମୋଦ କୁମାର ସାମଲଙ୍କ ଅଧ୍ୟକ୍ଷତାରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା। ପ୍ରଥମେ ଗୁରୁବନ୍ଦନା କାରାଯିବା ପରେ ପ୍ରତିଭା ପୂଜା ସ୍ବରୂପ ପୁରାତନ ଶିକ୍ଷକ ପ୍ରଫୁଲ୍ଲ କୁମାର ପଣ୍ଡା, ସୁବାସ ଚନ୍ଦ୍ର ସାହୁ, ଅଚ୍ୟୁତାନନ୍ଦ ମିଶ୍ର, ପ୍ରଫୁଲ ରାଏ, ସେକ୍ ମୁସ୍ତାକ ଅଲ୍ଲି, ପ୍ରଫଲ୍ଲ ଚନ୍ଦ୍ର ମିଶ୍ର, ମଧୁସୂଦନ ଧଳଙ୍କୁ ଅଙ୍ଗବସ୍ତ୍ର ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା କରାଯାଇଥିଲା। ପୂର୍ବତନ ଛାତ୍ର ପ୍ରତାପ କୁମାର ପରିଡା ସ୍ବାଗତ ଭାଷଣ ଦେଇଥିଲେ। ରମାକାନ୍ତ ବିନ୍ଧାଣୀ ଅତିଥି ପରିଚୟ ପ୍ରଦାନ, ବଳରାମ ସାହୁ ବାର୍ଷିକ ବିବରଣୀ ଏବଂ ସୁଶୀଳ କୁମାର ଧଳ ସଭା ପରିଚଳନା କରିଥିଲେ। ଅନ୍ୟମାନଙ୍କ ମଧ୍ୟରେ ପୁରାତନ ଛାତ୍ରୀଛାତ୍ର ସୁଭଦ୍ରା ନାୟକ, ପ୍ରବୀର କୁମାର ବେହେରା, ପ୍ରମିଳା ବିଶ୍ୱାଳ, ରୁଦ୍ରଚରଣ ବେହୁରିଆ, ପ୍ରମିଳା ନାୟକ, ପ୍ରଭାସ ମହାନ୍ତି, କୌସର ଅଲ୍ଲୀ, ପ୍ରଦୀପ କୁମାର ନାୟକ, ସକିଲଆଲ୍ଲି ଖାନ ପ୍ରମୁଖ ଯୋଗଦେଇ ପୁରୁଣା ଦିନର ସ୍ମୃତିଚାରଣ କରିଥିଲେ। ଶେଷର ଜ୍ୟୋତିପ୍ରକାଶ ମାହୁତ ଧନ୍ୟବାଦ ଦେଇଥିଲେ।
