ପୁରୁଷୋତ୍ତମପୁର, ୧୭।୬(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଅଞ୍ଚଳରେ ପବିତ୍ର ସ୍ନାନପୂର୍ଣ୍ଣିମା ସୋମବାର ପାଳିତ ହେଉଛି। ପୁରୁଷୋତ୍ତମପୁର ରଥସାହି ଜଗନ୍ନାଥ ମନ୍ଦିର ସମେତ ଥାନା ଜଗନ୍ନାଥ ମନ୍ଦିର, କନକା ସାହି, କୁମାରୀ, ପ୍ରତାପୁର, ଆଛୁଲି, ଜଳେଶ୍ବର ଖଣ୍ଡା, ଶିକୁଳା, ଭାଟକୁମରଡ଼ା, ବୀରଜଗନ୍ନାଥପୁର, ସୁନାଥର ଆଦି ବିଭିନ୍ନ ଗ୍ରାମରେ ଜଗନ୍ନାଥ ମନ୍ଦିରରେ ସ୍ନାନପୂର୍ଣ୍ଣିମା ପାଳନ ହେଉଛି। ଶ୍ରୀଜିଉଙ୍କୁ ପହଣ୍ଡିକରି ସ୍ନାନବେଦିକୁ ଅଣାଯାଇ ସ୍ନାନ ଓ ପୂଜାର୍ଚ୍ଚନା କରାଯାଉଛି। ଏହାକୁ ଦେଖିବା ଲାଗି ଭକ୍ତଙ୍କ ଭିଡ଼ ଜମିଛି।