ପୁରୁଷୋତ୍ତମପୁର, ୩।୪(ଡି.ଏନ୍.ଏ.): ମାରାତ୍ମକ କରୋନାକୁ ନେଇ ସାରା ରାଜ୍ୟ ଲକ୍ଡାଉନ କରାଯାଇଥିବା ବେଳେ ଗରିବ ଦିନ ମଜୁରିଆମାନେ ବିଶେଷ ଭାବେ ପ୍ରଭାବିତ ହେଉଛନ୍ତି। କାମଧନ୍ଦା ନ ପାଇ ଜୀବିକା ହରାଇ ଭୋକ ଉପାସରେ ଘରେ ରହି ଦୂର୍ଦିନରେ ଜୀବନ କାଟୁଛନ୍ତି। ଏ ନେଇ ଗଞ୍ଜାମ ଜିଲା ପୁରୁଷୋତ୍ତମପୁର ପୋଲିସ ପକ୍ଷରୁ ଥାନା ଅଧିକାରୀ ଜଗନ୍ନାଥ ମଲ୍ଲିକଙ୍କ ତତ୍ତ୍ୱାବଧାନରେ କର୍ମଚାରୀମାନେ ଥାନା ଅଞ୍ଚଳର ବିଭିନ୍ନ ଗ୍ରାମକୁ ଯାଇ ବୁଲି ବୁଲି ନିସହାୟ ଲୋକଙ୍କୁ ସୁଖିଲା ଖାଦ୍ୟ, ବିସ୍କୁଟ, ପାଣି ବଟଲ ଆଦି ବଣ୍ଟୁଥିବା ଦେଖିବାକୁ ମିଳୁଛି।