କାନପୁର,୫।୮: ଜମ୍ମୁ-କଶ୍ମୀର ପୁଲଓ୍ବାମାରେ ଆତଙ୍କବାଦୀ ଆକ୍ରମଶରେ ଶହୀଦ ହୋଇଥିବା ପ୍ରଦୀପ ଯାଦବଙ୍କ ସ୍ତ୍ରୀ ନୀରଜ ଯାଦବ ଶନିବାର ପୁତ୍ର ସନ୍ତାନର ଜନନୀ ହୋଇଛନ୍ତି। ପୁଅକୁ କୋଳରେ ନେବା ସମୟରେ ନୀରଜ ଭାବୁକ ହେବା ସହ ପୁଅ ମଧ୍ୟ ଆର୍ମିରେ ଭର୍ତ୍ତି ହେବ ବୋଲି କହିଛନ୍ତି। ଉତ୍ତରପ୍ରଦେଶ କନୌଜର ସୁଖସେନପୁରର ମୂଳବାସିନ୍ଦା ପ୍ରଦୀପ ଯାଦବଙ୍କ ପରିବାର ବାରାସିରୋହୀ କଲ୍ୟାଣପୁରରେ ରୁହନ୍ତି। ପରିବାର କହିଲେ ତାଙ୍କର ସ୍ତ୍ରୀ ନୀରଜ ଓ ୨ଝିଅ। ପ୍ରଦୀପ ଶହୀଦ ହେବା ସମୟରେ ନୀରଜ ଗର୍ଭବତୀ ଥିଲେ। ତେବେ ଶନିବାର ପୁଅ ଜନ୍ମ ହେବା ପରେ ନୀରଜ କହିଛନ୍ତି, ତାଙ୍କ ଉପରେ ଦେଶର ଋଣ ରହିଛି, ଯାହାକୁ କାର୍ଯ୍ୟରେ ପରିଣତ କରିବାର ସମୟ ଆସିଛି। ପୁଅ ବାପାର ଅଂଶ ହୋଇଥିବାରୁ ତାକୁ ମଧ୍ୟ ମୁଁ ସେନାରେ ପଠାଇବି। ସେ ବି ବାପା ଭଳି ଦେଶର ସେବା କରିବ ବୋଲି ନୀରଜ କହିଛନ୍ତି।