ଶ୍ରୀନଗର,୭।୩: ପୁଲ୍ଓ୍ବାମା ଆତଙ୍କବାଦୀ ଆକ୍ରମଣକୁ ଇତିମଧ୍ୟରେ ବର୍ଷେ ବତିଛି। ଏହି ଆକ୍ରମଣରେ ବ୍ୟବହୃତ ହୋଇଥିବା ବିସ୍ଫୋରକ ଅନ୍ଲାଇନ୍ରେ ଆମାଜନରୁ କିଣାଯାଇଥିଲା। ଏହି ମାମଲାରେ ଏନ୍ଆଇଏ ପକ୍ଷରୁ ଓ୍ବାଇଜ୍ ଅଲ୍ ଇସଲାମ୍ ଏବଂ ମହମ୍ମଦ ଅବାସ ରାଥଡ଼େଙ୍କୁ ଗିରଫ କରାଯାଇଛି। ଆତଙ୍କବାଦୀ ସଂଗଠନ ଜୈଶ୍-ଇ-ମହମ୍ମଦ୍ ନିର୍ଦ୍ଦେଶରେ ଆକ୍ରମଣରେ ବ୍ୟବହୃତ ବିସ୍ଫୋରକ ଅନ୍ଲାଇନ୍ରେ ଅର୍ଡର କରାଯାଇଥିବା ଓ୍ବାଇଜ୍ ପଚରାଉଚରା ସମୟରେ କହିଛନ୍ତି। ଅବାସ ଦୀର୍ଘ ଦିନ ଧରି ଜୈଶ୍ ସଂଗଠନ ସହିତ କାମ କରୁଥିବାବେଳେ ଆଇଇଡିି ବିଶେଷଜ୍ଞ ଆତଙ୍କବାଦୀ ମହମ୍ମଦ ଉମାରଙ୍କୁ ଘରେ ଆଶ୍ରୟ ଦେଇଥିବା ପ୍ରକାଶ କରିଛନ୍ତି। ଓ୍ବାଇଜ୍ ଶ୍ରୀନଗରରେ ବାସ କରୁଥିବାବେଳେ ଅବାସ ପୁଲ୍ଓ୍ବାମାର ହାକିରିପୋରାର ବାସିନ୍ଦା। ଏନେଇ ଆମାଜନ ପ୍ରବକ୍ତା କହିଛନ୍ତି ଯେ, କମ୍ପାନୀର ଭାରତୀୟ ଆଇନ ଅନୁସାରେ କାରବାର କରିଥାଏ। କ୍ରେତାଙ୍କ ସୂଚନା କମ୍ପାନୀ ନିଜ ପାଖରେ ସଂରକ୍ଷିତ ରଖେ। ଆବଶ୍ୟକ ପଡ଼ିଲେ ତଦନ୍ତ କାର୍ଯ୍ୟରେ କମ୍ପାନୀ ସହଯୋଗ କରିବ ବୋଲି ସେ ସୂଚନା ଦେଇଛନ୍ତି।