ଓଡିଆ ପ୍ରଯୋଜକ ଅମୂଲ୍ୟ କୁମାର ଦାସଙ୍କ ଦ୍ୱିଭାଷୀ ଫିଲ୍ମ ‘ପୁଷ୍ପା ଆଇ ହେଟ୍ ଟିୟର୍ସ’ ଚଳିତ ମାସ ୨୮ରେ ପରଦା ଉପରକୁ ଆସୁଛି। ସୁପରଷ୍ଟାର ରାଜେଶ ଖାନ୍ନାଙ୍କ ଚର୍ଚ୍ଚିତ ଡାଏଲଗ (ଅମର ପ୍ରେମ) ‘ପୁଷ୍ପା ଆଇ ହେଟ୍ ଟିୟର୍ସ’କୁ ଆଧାର କରି ଏହାର ଶୀର୍ଷକ ରଖାଯାଇଛି। ଫିଲ୍ମଟିର ନିର୍ଦ୍ଦେଶନା ଦେଇଛନ୍ତି ଦୀନକର କପୁର। କ୍ରିଷ୍ଣା ଅଭିଷେକ, ଅର୍ଜୁନ ମୁଗଲ, କାର୍ତ୍ତିକ ଜୟରାମ ଏବଂ ଅନୁସ୍କୃତି ସରକାର ବିଭିନ୍ନ ଭୂମିକାରେ ଅଭିନୟ କରିଛନ୍ତି। ଏହି ସିନେମାଟି ଉଭୟ ହିନ୍ଦୀ ଏବଂ କନ୍ନଡ ଭାଷାରେ ନିର୍ମିତ ହୋଇଛି। ବାରିପଦାରେ ଜନ୍ମିତ ଅମୂଲ୍ୟ ଭୁବନେଶ୍ୱରସ୍ଥ ଉତ୍କଳ ସଙ୍ଗୀତ ମହାବିଦ୍ୟାଳୟରୁ ଡିଗ୍ରୀ ହାସଲ ପରେ ସେ ସିନେମା ପ୍ରଯୋଜନା କ୍ଷେତ୍ରରେ ମନ ବଳାଇଥିଲେ। ତା’ପରେ ହୋମ୍ ବ୍ୟାନର ‘ଫିଲ୍ମ ଆଟ୍ ଦ ରେଟ୍ ଫିଫ୍ଟି’ରେ ସେ ଏହି ସିନେମାଟିକୁ ନିର୍ମାଣ କରିଛନ୍ତି।
