ଭାପୁର,୬ା୭(ଡି.ଏନ୍.ଏ.): ଖଣ୍ଡପଡ଼ା ନିର୍ବାଚନମଣ୍ଡଳୀ ଅଧୀନ ୬ଟି କଲେଜର +୨ କଳା ପରୀକ୍ଷାରେ ଏ ବର୍ଷ ଛାତ୍ରୀମାନେ ଟପ୍ପର ହୋଇଛନ୍ତି। ପୂର୍ବତନ ବିଧାୟକ ଅନୁଭବ ପଟ୍ଟନାୟକ ଏହି ଛାତ୍ରୀମାନଙ୍କ ଘରକୁ ଯାଇ ସମ୍ବର୍ଦ୍ଧିତ କରିଛନ୍ତି। ଗତ ୫ ବର୍ଷ ହେଲା ଛାତ୍ରୀଛାତ୍ରମାନଙ୍କୁ ମାଟ୍ରିକ, +୨, +୩ ପରୀକ୍ଷାରେ ଶ୍ରେଷ୍ଠତ୍ୱ ପ୍ରଦର୍ଶନ ନେଇ ପଟ୍ଟନାୟକ ସମ୍ବର୍ଦ୍ଧନା ଦେଇ ଆସୁଛନ୍ତି। ଗୁରୁବାର ପଠାଣି ସାମନ୍ତ କଲେଜର +୨ କଳାରେ ଟପ୍ପର ହୋଇଥିବା ଛାତ୍ରୀ ପୂଜା ପରିଡ଼ାଙ୍କୁ ତାଙ୍କ ଗ୍ରାମ ଭାପୁର ବ୍ଲକ ଚକ୍ରଧରପୁର ପ୍ରସାଦଠାରେ ସେ ସମ୍ବର୍ଦ୍ଧିତ କରିଛନ୍ତି। ଗ୍ରାମର ପ୍ରଗତି ଟ୍ୟୁଟୋରିଆଲରେ ଅଧ୍ୟୟନ କରୁଥିବା ଏହି ଛାତ୍ରୀଙ୍କ ସମେତ ଅନ୍ୟ ୪ ଜଣଙ୍କୁ ମଧ୍ୟ ସମ୍ବର୍ଦ୍ଧନା ପ୍ରଦାନ କରାଯାଇଛି। ବିଧାୟକଙ୍କ ସହ ସାମାଜିକ କର୍ମୀ ସନ୍ତୋଷ କୁମାର ତ୍ରିପାଠୀ, ଶିକ୍ଷକ ଗୌତମ ମଲିକ ଓ ସଂସ୍ଥା ପରିଚାଳକ ରଘୁ ପ୍ରଧାନ ସମ୍ବର୍ଦ୍ଧନା ସଭାରେ ଛାତ୍ରୀଛାତ୍ରୀଙ୍କ କୃତିତ୍ୱ ବିଷୟରେ କହିଥିଲେ।