ଭଣ୍ଡାରିପୋଖରୀ, ୯ା୩(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀର ପୂର୍ବତନ ବିଧାୟକ ପୁରସ୍ତମ ସେଠୀଙ୍କ ସୋମବାର ସକାଳ ସାଢେ ୭ଟା ବେଳେ ପରଲୋକ ହୋଇଯାଇଛି। ସେ ଦୀର୍ଘ ଦିନ ଧରି ରୋଗରେ ପୀଡିତ ଥିଲେ। ସେଠୀ ୧୯୮୦-୮୫ ରେ ଭଣ୍ଡାରିପୋଖରୀ ବିଧାୟକ, ୧୯୮୫-୯୦ ଅବିଭକ୍ତ ବାଲେଶ୍ୱର ଜିଲାର ଜାତୀୟ କଂଗ୍ରେସ ଜିଲା ସଭାପତି, ବିଭିନ୍ନ କର୍ପୋରେଶନ ଅଧ୍ୟକ୍ଷ କାର୍ଯ୍ୟ କରି ବେଶ ସୁନାମ ଅର୍ଜନ କରିଥିଲେ। ସେଠୀଙ୍କ ମୃତ୍ୟୁ ଖବର ପାଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ମୃତ୍ୟୁବେଳକୁ ତାଙ୍କୁ ୯୦ ବର୍ଷ ହୋଇଥିଲା। ସ୍ବର୍ଗତ ସେଠୀଙ୍କ ଘର ଭଣ୍ଡାରିପୋଖରୀ ବ୍ଲକ ସାନ ଶାସନ ପଞ୍ଚାୟତ ରାଣୀପଡା ଗ୍ରାମରେ।