ସୋରଡା,୨୩ା୧୨(ଡି.ଏନ୍.ଏ.) -ସୋରଡା-ଆସିକା ଜାତୀୟ ରାଜପଥ ନଂ.୫୯ କରଡାବାଡି ଗ୍ରାମଠାରେ କାର ଓ ବୁଲେଟ୍ ମଧ୍ୟରେ ମୁହଁାମୁହିଁ ଧକ୍କା ହେବାରୁ ଜଣଙ୍କ ହାତ ଛିଣ୍ଡିବା ସହ ଗୋଡ ଭାଙ୍ଗି ଯାଇଛି। ଅନ୍ୟଜଣେ ମଧ୍ୟ ଆହତ ହୋଇଛନ୍ତି। ଆସିକା କୋର୍ଟର ୬ଜଣ କର୍ମଚାରୀ ରବିବାର ସକାଳେ ସୋରଡା କାଳୀ ମନ୍ଦିରକୁ ଆସି ପହିଲି ଭୋଗ ଖାଇସାରି ଅପରାହ୍ନ ୩ଟାରେ ବାଇକରେ ଘରକୁ ଫେରୁଥିଲେ। ସେମାନଙ୍କ ମଧ୍ୟରୁ ସରୋଜ କୁମାର ଦାଶ ଓ ଶ୍ରବଣ କୁମାର ସାହୁ ଏକ ବୁଲେଟରେ ଯାଉଥିଲେ। କରଡାବାଡିଠାରେ ବିପରୀତ ଦିଗରୁ ଆସୁଥିବା ଏକ କାର୍ (ନଂ.ଓଡି୦୨ଡି-୯୫୬୬) ସହ ବୁଲେଟର ମୁହଁାମୁହିଁ ଧକ୍କା ହୋଇଥିଲା। ଏଥିରେ ସରୋଜଙ୍କ ଡାହାଣ ହାତ ସମ୍ପୂର୍ଣ୍ଣ ଛିଡି ଯାଇଥିଲା। ଛିଣ୍ଡା ହାତକୁ ବରଫରେ ରଖି ସରୋଜଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି। ଥାନା ଅଧିକାରୀ ରମେଶ ପ୍ରଧାନ ଦୁର୍ଘଟଣାଗ୍ରସ୍ତ ବୁଲେଟକୁ ଥାନାକୁ ଆଣିଥିବାବେଳେ କାର ଚାଳକ ଫେରାର ହୋଇଯାଇଛନ୍ତି। ସେହିପରି ଜାତୀୟ ରାଜପଥ ନଂ.୫୯ ନୂଆଗଡ ନିକଟରେ ବ୍ରାହ୍ମଣଦେଇ ଗ୍ରାମର ନାରୁ ବିଷୋୟୀ ବିଲକୁ ଯାଉଥିଲେ। ଆସିକା ନିକଟ ମଣ୍ଟାପଡା ଗ୍ରାମର ସୋମନାଥ ବିଷୋୟୀ ସ୍ତ୍ରୀ ଇନ୍ଦୁଙ୍କୁ ବସାଇ ବାଇକରେ ଆସୁଥିବାବେଳେ ନାରୁଙ୍କୁ ଧକ୍କା ଦେଇଥିଲେ। ନାରୁ ଓ ଇନ୍ଦୁ ଗୁରୁତର ଆହତ ହୋଇଛନ୍ତି। ପୋଲିସ ପହଞ୍ଚତ୍ ଆହତଙ୍କୁ ଉଦ୍ଧାର କରି ବ୍ରହ୍ମପୁର ମେଡିକାଲ ନେଇଥିଲା।