ଓ୍ବାଶିଂଟନ,୨୧ା୫: ପୃଥିବା ଆଡ଼କୁ ଦ୍ରୁତ ଗତିରେ ଧୂମକେତୁ ସ୍ବାନ୍ ମାଡ଼ିଆସୁଛି। ମେ ୨୭ରେ ଏହା ପୃଥିବୀର ନିକଟବର୍ତ୍ତୀ ହେବ। ସେ ସମୟରେ ଏହାକୁ ଭୋର୍ ସମୟରେ ଖାଲି ଆଖିରେ ଦେଖିହେବ। ସୂର୍ଯ୍ୟଠାରୁ ଏହା ପୃଥିବୀ ଆଡ଼କୁ ମାଡ଼ି ଆସୁଛି। ସ୍ବାନ୍ ଧୂମକେତୁ ସମ୍ପର୍କରେ ନାସାର ଟୁଇଟର ହ୍ୟାଣ୍ଡେଲ୍ରେ ସୂଚନା ଦିଆଯାଇଛି। ଏହାର ପଛରେ ଥିବା ଏକ ଲକ୍ଷ ମାଇଲ୍ରୁ ଅଧିକ ଲମ୍ବା ବିଶିଷ୍ଟ ଆଲୋକିତ ଲାଞ୍ଜ ସଦୃଶ ଅଂଶରେ ଧୂଳିକଣା, ଛୋଟ ଛୋଟ ପଥର ଟୁକୁଡ଼ା, ଗ୍ୟାସ୍, ମହାକାଶ ବର୍ଜ୍ୟ ପଦାର୍ଥ ରହିଥିବା ନାସା କହିଛି। ସାଧାରଣତଃ ଧୂମକେତୁର ପଛରେ ଥିବା ପଦାର୍ଥ ଉପରେ ସୂର୍ଯ୍ୟାଲୋକ ପଡ଼ିବାରୁ ସେସବୁ ଚମକି ଉଠି ମହାକାଶରେ ଏକ ସୁନ୍ଦର ଦୃଶ୍ୟ ସୃଷ୍ଟି କରିଥାଏ। ସ୍ବାନ୍ ଧୂମକେତୁ ପ୍ରଭାବରେ ପୃଥବୀର ଆକାଶ ହଳଦିଆ ରଙ୍ଗ ହୋଇଯିବ ବୋଲି ନାସା କହିଛି।
