ରାଞ୍ଚତ୍,୨୮।୭: ଝାଡ଼ଖଣ୍ଡର ଏକ ସରକାରୀ ଡାକ୍ତରଖାନାରେ ଗୁରୁତର ତ୍ରୁଟି ପରିଲକ୍ଷିତ ହୋଇଛି। ଏଠାକୁ ଜଣେ ମହିଳା ପେଟଯନ୍ତ୍ରଣା ଲାଘବ ପାଇଁ ଆସିଥିବାବେଳେ ଡାକ୍ତର ପ୍ରେସ୍କ୍ରିପ୍ସନରେ କଣ୍ଡୋମ ଲେଖି ଦେଇଥିଲେ। ସୂଚନାଯୋଗ୍ୟ, ମହିଳାଙ୍କ ଅସହ୍ୟ ପେଟଯନ୍ତ୍ରଣା ହେଉଥିବାରୁ ସେ ପଶ୍ଚିମ ସିଂହଭୂମ ଜିଲାରେ ଥିବା ଘାଟଶିଳା ସରକାରୀ ଡାକ୍ତରଖାନାକୁ ଚିକିତ୍ସା ପାଇଁ ଆସିଥିଲେ। ଏଠାରେ ଠିକା ଡାକ୍ତର ଭାବେ କାର୍ଯ୍ୟ କରୁଥିବା ଅଶରଫ ବଦାର ପ୍ରେସ୍କ୍ରିପ୍ସନରେ କଣ୍ଡୋମ ଲେଖି ଦେଇଥିଲେ। ମହିଳା ଜଣଙ୍କ ପ୍ରେସ୍କ୍ରିପ୍ସନ ନେଇ ଔଷଧ ଦୋକାନକୁ ଗଲା ପରେ କୌଣସି ଔଷଧ ନୁହେଁ, କଣ୍ଡୋମ ଲେଖାଥିବା ଦୋକାନୀ ଜଣଙ୍କ ମହିଳାଙ୍କୁ କହିଥିଲେ। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ବିଧାୟକ କୁଣାଳ ସାରଙ୍ଗୀ ଏହି ଘଟଣାକୁ ବିଧାନସଭାରେ ଉଠାଇଥିଲେ। ସମ୍ପୃକ୍ତା ମହିଳା ବରିଷ୍ଠ ଡାକ୍ତରଙ୍କୁ ଭେଟି ଏ ସମ୍ପର୍କରେ ଅଭିଯୋଗ କରିଥିଲେ।