ଜଣେ ପୁରୁଷ ବା ମହିଳା ଯେତେ ସୁନ୍ଦର ହୋଇଥାନ୍ତୁ ନା କାହିଁକି ପେଟର ଚର୍ବି, ମୋଟାପଣ ଶରୀରର ସବୁ ସୌନ୍ଦର୍ଯ୍ୟକୁ ନଷ୍ଟ କରିଥାଏ। ଆହୁରି ମଧ୍ୟ ପେଟୁଆ ଲୋକ କୌଣସି କାର୍ଯ୍ୟ କରିବାକୁ ସକ୍ଷମ ହୋଇ ପାରି ନ ଥାନ୍ତି। ଆଜିକାଲିର ବ୍ୟସ୍ତ ଜୀବନଶୈଳୀ ପାଇଁ ମୋଟାପା ଏବଂ ପେଟରେ ଚର୍ବି ବୃଦ୍ଧି ପାଉଛି। ସମୟ ଅଭାବ ଯୋଗୁ ଅଧିକାଂଶ ଲୋକେ ଫାଷ୍ଟ ଫୁଡ୍, ଜଙ୍କ୍ ଫୁଡ୍ ଆଦି ଖାଉଛନ୍ତି। ଏଥିରୁ ରକ୍ଷା ପାଇବା ପାଇଁ ଆପଣାନ୍ତୁ କିଛି ସହଜ ଉପାୟ…
-ମୋଟାପଣ କମ୍ କରିବା ପାଇଁ ସକାଳୁ ଉଷୁମ ପାଣିରେ ଲେମ୍ବୁ ରସ ଓ ସାମାନ୍ୟ ଲୁଣ ମିଶାଇ ପିଅନ୍ତୁ। ଯାହା ମେଟାବୋଲିଜିମ୍ ବଢ଼ାଇଥାଏ ଓ କ୍ୟାଲୋରି କମ୍ କରିଥାଏ।
-ପର୍ଯ୍ୟାପ୍ତ ପରିମାଣରେ ପାଣି ପିଇବା ଉଚିତ। ପାଣି ଶରୀରରୁ ବିଷାକ୍ତ ପଦାର୍ଥ ବାହାର କରିଥାଏ।
-ଚାଉଳରେ ପ୍ରସ୍ତୁିତ ଖାଦ୍ୟ ପରିବର୍ତ୍ତେ ଗହମରେ ପ୍ରସ୍ତୁତ ଖାଦ୍ୟ ଖାଇବା ଉଚିତ।
-ଆମିଷ ଜାତୀୟ ଖାଦ୍ୟ କମ୍ ଖାଆନ୍ତୁ।
-ପେଟରେ ଚର୍ବି କମ୍ କରିବା ପାଇଁ ଖାଦ୍ୟରେ ଲୁଣର ମାତ୍ରାକୁ ମଧ୍ୟ କମ୍ କରିବା ଉଚିତ। ଫାଇବର ଯୁକ୍ତ ଖାଦ୍ୟ ଜଳଖିଆରେ ସାମିଲ କଲେ ଭଲ।
-ପ୍ରତିଦିନ ସକାଳେ ଖାଲି ପେଟରେ ୨ ପାଖୁଡା ରସୁଣ ଖାଇ ଲେମ୍ବୁ ପାଣି ପିଅନ୍ତୁ। ଏହା ଦ୍ୱାରା ଓଜନ କମାଇବା ପ୍ରକ୍ରିୟା ଦୁଇ ଗୁଣା ବୃଦ୍ଧି ପାଇଥାଏ।
-ଖାଦ୍ୟ ପ୍ରସ୍ତୁତ ସମୟରେ ମସଲା ଭାବେ ଡାଳଚିନି, ଗୋଲମରିଚ, ଅଦା ବ୍ୟବହାର କରିବା ଉଚିତ। ଏହା ରକ୍ତରେ ଗ୍ଲୁକୋଚ ସ୍ତରକୁ କମ୍ କରିବାରେ ସାହାଯ୍ୟ କରେ।
-ପ୍ରତିଦିନ ବ୍ୟାୟାମ୍ କରିବା ଉଚିତ୍।