ଆଧୁନିକ ଜୀବନଶୈଳୀ ଖାଦ୍ୟପେୟ ଜନିତ ପେଟ ସମସ୍ୟା ଦେଖାଯାଏ। ଏସିଡିଟି, ଗ୍ୟାସ, ଖାଦ୍ୟ ହଜମ ନ ହେବା ଆଦି ଅନେକ ସମସ୍ୟାର ସମ୍ମୁଖୀନ ହେବାକୁ ପଡିଥାଏ। ଏହିସବୁ ସମସ୍ୟାରୁ ମୁକ୍ତି ପାଇବା ପାଇଁ ଖାଦ୍ୟପେୟ ଉପରେ ବିଶେଷ ଧ୍ୟାନ ଦେବାକୁ ପଡ଼ିବ। ତେବେ ଏପରି କିଛି ଖାଦ୍ୟ, ପାନୀୟ ଅଛି ଯାହାକୁ ଖାଇଲେ ପେଟ ସମସ୍ୟା ଦୂର ହୋଇଥାଏ। ଆଣ୍ଟିଅକ୍ସିଡାଣ୍ଟରେ ଭରପୂର ଏହି କେତେକ ଖାଦ୍ୟ କେବଳ ଯେ ଗ୍ୟାସ ସମସ୍ୟା ଦୂର କରେ ତାହା ନୁହେଁ ବରଂ ଏହା ଶରୀରକୁ ପୁଷ୍ଟିକର ଆହାର ଯୋଗାଇ ଥାଏ। ତେବେ ଜାଣନ୍ତୁ ଏ ସମ୍ପର୍କରେ …
ତରଭୁଜ: ତରଭୁଜରେ ଲାଇକୋପିନ୍ ନାମକ ଏକ ଉପାଦାନ ରହିଥାଏ। ଏହାସହ ଏଥିରେ ୯୦ ପ୍ରତିଶତ ଜଳ ରହିଥାଏ ଯାହା ଗ୍ରୀଷ୍ମ ଦିନେ ଡିହାଇଡ୍ରେଶନକୁ ରୋକିଥାଏ। ଏହା କୋଷ୍ଠକାଠିନ୍ୟ ସମସ୍ୟା ମଧ୍ୟ ଦୂର କରିଥାଏ। ଏହାର ପେଷ୍ଟକୁ ମୁଣ୍ଡରେ ଲଗାଇବା ଫଳରେ ମୁଣ୍ଡବିନ୍ଧା ଦୂର ହୁଏ।
ଥଣ୍ଡା କ୍ଷୀର:
ଏସିଡିିଟି ସମସ୍ୟାରୁ ମୁକ୍ତି ପାଇବା ପାଇଁ ଥଣ୍ଡାକ୍ଷୀର ପିଇବା ଜରୁରୀ। ଏହା ପେଟ ଯନ୍ତ୍ରଣାକୁ ଦୂରକରିଥାଏ। କ୍ଷୀରରେ ମିଳୁଥିବା ଲାକ୍ଟିକ୍ ଏସିଡ୍ ପେଟ ସମସ୍ୟାରୁ ମୁକ୍ତି ଦେଇଥାଏ।
କଦଳୀ: ଗ୍ୟାସ ସମସ୍ୟାରୁ ମୁକ୍ତି ପାଇବା ଲାଗି କଦଳୀ ରାମବାଣ ଭଳି କାର୍ଯ୍ୟ କରିଥାଏ।
କଦଳୀରେ ମିଳୁଥିବା ଆଣ୍ଟି-ଅକ୍ସିଡାଣ୍ଟ ଏବଂ ପୋଟାସିୟମ୍ ଗ୍ୟାସ ସମସ୍ୟାକୁ ଦୂର କରିଥାଏ। କଦଳୀରେ ଥିବା ଟ୍ରାଇପଟୋଫାନ୍ ଆମିନୋ ଏସିଡ୍ ମାନସିକ ଚାପକୁ ହ୍ରାସ କରିଥାଏ । ଲଗାତାର କଦଳୀ ଖାଇବା ଦ୍ୱାରା କୋଷ୍ଠକାଠିନ୍ୟ ହୋଇ ନ ଥାଏ।
ପଇଡ଼ ପାଣି
ଗ୍ୟାସ ଦୂର କରିବାରେ ପଇଡ଼ ପାଣି ଅତ୍ୟନ୍ତ ଲାଭଦାୟକ। ଏହାକୁ ପିଇବାର କିଛି ସମୟ ପରେ ପେଟ ଜନିତ ସମସ୍ୟା ଦୂର ହୋଇଥାଏ। ଏଥି ସହିତ, ପଇଡ଼ ପାଣିରେ ଅଧିକ ପରିମାଣର ଫାଇବର ହେତୁ ହଜମ ପ୍ରକ୍ରିୟା ସହଜ ହୋଇଥାଏ।