ଭେଣ୍ଡି ଖାଇବାକୁ କେତେଜଣଙ୍କୁ ପସନ୍ଦ ହୋଇଥିବା ବେଳେ ଅନ୍ୟ କେତେଜଣ ଏହା ଲାଳୁଆ ଲାଗୁଥିବା କାରଣଯୋଗୁ ଖାଇବାକୁ ପସନ୍ଦ କରି ନ ଥାନ୍ତି। ମାତ୍ର ଏହା ସ୍ବାସ୍ଥ୍ୟ ପାଇଁ ବେଶ୍ ଉପକାରୀ ହୋଇଥାଏ। ପେଟ ସମସ୍ୟାରେ ପୀଡ଼ିତ ଲୋକଙ୍କ ପାଇଁ ଭେଣ୍ଡି ବରଦାନ ସଦୃଶ। ତେବେ ଆସନ୍ତୁ ଜାଣିବା ଭେଣ୍ଡିର ଉପକାରୀ ଗୁଣ ସମ୍ପର୍କରେ।
ମେଦବହୁଳତା ବର୍ତ୍ତମାନ ସମୟରେ ଏକ ମୁଖ୍ୟ ସମସ୍ୟା ହୋଇଥିବା ବେଳେ ଭେଣ୍ଡି ଏଥିରୁ ମୁକ୍ତି ଦେଇଥାଏ। ଏହାକୁ ପାଣିରେ ଭିଜାଇ ପିଇବା ଫଳରେ ଉକ୍ତ ସମସ୍ୟା ଦୂର ହୋଇଥାଏ। ଭେଣ୍ଡି ଖାଇବା ଫଳରେ ଶରୀରରେ ଖାଦ୍ୟ ପାଚନ କ୍ରିୟା ମଜଭୁତ ଓ ପାଚନତନ୍ତ୍ର ଠିକ୍ ଭାବେ କାର୍ଯ୍ୟ କରିଥାଏ। ଏଥିରେ କାର୍ବୋହାଇଡ୍ରେଟ୍, ଭିଟାମିନ୍ ଓ ପ୍ରୋଟିନ୍ ରହିଥାଏ। ଏଥିରେ ପୋଟାସିୟମ୍, ମ୍ୟାଗ୍ନେସିୟମ୍, କ୍ୟାଲୋରିର ମାତ୍ରା ମଧ୍ୟ ଅଧିକ ରହିଥାଏ। ଫାଇବର ମାତ୍ରା ଅଧିକ ଥିବାରୁ ପେଟ ସମସ୍ୟାରୁ ମୁକ୍ତି ଦେଇଥାଏ। ଆଖି ପାଇଁ ଉପକାରୀ ହୋଇଥିବା ବେଳେ ଏଥିରେ ଥିବା ଆଣ୍ଟି ଅକ୍ସିଡାଣ୍ଟ ଗୁଣ ବିଟା କ୍ଲୋରାହାଇଟ୍ ତ୍ୱଚାକୁ ସୁନ୍ଦର କରିଥାଏ।