ବ୍ରହ୍ମପୁର ଅଫିସ,୨୪ା୧୨-ପେସାରେ ଜଣେ ମେକାନିକ୍ । କିନ୍ତୁ ନିଶା ତାଙ୍କର ନୂତନ କଳାକୃତି ଗଢ଼ିିବାରେ ।
ଖାଦ୍ୟଶସ୍ୟ, ପେନସିଲରେ ବିଭିନ୍ନ କଳାକୃତି କରି ସେ ପାଲଟି ଯାଇଛନ୍ତି ଜଣେ ଚର୍ଚ୍ଚିତ ଚେହେରା । ସେ ହେଲେ ଶ୍ରୀରାମନଗର ଜଗନ୍ନାଥ ବିହାର ଷଷ୍ଠଗଳିରେ ରହୁଥିବା ହରିଗୋବିନ୍ଦ ମହାରଣା ା ୨୦୧୮ରେ ଗୁଣ୍ଡିଚାଯାତ୍ରା ଅବସରରେ ୫୧ ପ୍ରକାର ଶସ୍ୟରେ ନନ୍ଦିଘୋଷ ରଥ ନିର୍ମାଣ କରି ଚର୍ଚ୍ଚାକୁ ଆସିଥିବା ହରିଗୋବିନ୍ଦ ଏବେ ପୁଣି ବଡ଼ଦିନ ଉପଲକ୍ଷେ କଲର ପେନ୍ସିଲ ମୁନରେ ସାନ୍ତାକ୍ଲଜ କରି ଚର୍ଚ୍ଚାକୁ ଆସିଛନ୍ତି। ସେ ମାତ୍ର ୩ ଘଣ୍ଟାରେ ୧.୪ ସିଏମ୍ ଉଚ୍ଚତାର କ୍ଷୁଦ୍ର ସାନ୍ତାକ୍ଲଜ୍ କରିବା ସହ ବଡ଼ଦିନ ପାଇଁ ସହରବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ବଳକା ସମୟକୁ ନଷ୍ଟ ନ କରି ସେ କଳାକୃତି ନିର୍ମାଣ କରିଥାନ୍ତି ବୋଲି କହିଛନ୍ତି ା
ସୂଚନାଯୋଗ୍ୟ, ଏହାପୂର୍ବରୁ ୨୦୧୮ରେ ଶସ୍ୟରେ ନନ୍ଦିଘୋଷ ରଥ ନିର୍ମାଣ କରିବା ପରେ ୧୫ ପ୍ରକାର ଖାଦ୍ୟଶସ୍ୟରେ ହକି ବିଶ୍ୱକପ୍ ସମୟରେ କଳିଙ୍ଗ ଷ୍ଟାଡିୟମର ଚିତ୍ର କଳାକୃତି ନିର୍ମାଣ କରିଥିଲେ ା ସେହିପରି ୨୦୧୮ ଅଗଷ୍ଟ ୧୫ରେ ମସୁରଡାଲି, ମୁଗ, ଗୋଲମରିଚ, ସାଗୁଦାନା ଓ ଆଖୁରେ ୨ ଫୁଟ ଓସାର ଓ ୧୬ ଇଞ୍ଚ ଉଚ୍ଚତା ବିଶିଷ୍ଟ ଜାତୀୟ ପତାକା ନିର୍ମାଣ କରିଥିଲେ ା ସେହିବର୍ଷ ଗଣେଶପୂଜାରେ ପେନସିଲ ମୁନରେ ୬ଏମ୍ଏମ୍ ଉଚ୍ଚତାର କ୍ଷୁଦ୍ର ଗଣେଶ ନିର୍ମାଣ କରିଥିଲେ। ୨୦୧୯ ଅଗଷ୍ଟ ୧୫ରେ ପୁଣି ୬ ଫୁଟ ୬ ଇଞ୍ଚର ସ୍ବଚ୍ଛଭାରତ ଚଷମା ନିର୍ମାଣ କରିଥିଲେ ା ଯାହାକୁ ପରବର୍ତ୍ତୀ ସମୟରେ ବ୍ରହ୍ମପୁର ମହାନଗର ନିଗମକୁ ପ୍ରଦାନ କରିଥିଲେ, ଚଳିତବର୍ଷ ଗାନ୍ଧୀ ଜୟନ୍ତୀରେ ଚାଉଳରେ ୧.୫ ସିଏମ ଲମ୍ବ ଓ ୧ ସିଏମ୍ ଉଚ୍ଚତାର ଅରଟ ନିର୍ମାଣ କରି ବ୍ରହ୍ମପୁର ସହରର ଯୁବ କଳାକାରଙ୍କ ପାଇଁ ପ୍ରେରଣାର ଉତ୍ସ ପାଲଟି ଥିଲେ ା