ଗଞ୍ଜାମ,୨୧।୩(ଡି.ଏନ୍.ଏ.): ଗଞ୍ଜାମ ଜିଲା ରମ୍ଭା ଥାନା ହୁମା ଫାଣ୍ଡି କଳାଯମୁନା ଗ୍ରାମ ନିକଟସ୍ଥ ଏକ କୁକୁଡ଼ା ଫାର୍ମ ସମ୍ମୁଖ ଏକ ପୋଖରୀରୁ ୧୭ ତାରିଖରେ ଜଣେ ଛାତ୍ରଙ୍କ ମୃତଦେହ ଉଦ୍ଧାର ହୋଇଥିଲା। ସେ ଶ୍ରୀ ସାଇ ସରସ୍ବତୀ ବିଦ୍ୟାମନ୍ଦିର ନବମ ଶ୍ରେଣୀ ଛାତ୍ର ଶକ୍ତିପ୍ରସାଦ ତ୍ରିପାଠୀ (୧୪)ବର୍ଷ ବୋଲି ମୃତଙ୍କ ଅଜା ନିରଞ୍ଜନ ତ୍ରିପାଠୀ ମୃତଦେହ ଚିହ୍ନଟ କରିଥିଲେ l ତାଙ୍କୁ ହତ୍ୟା କରାଯାଇଥିବା ମୃତଛାତ୍ରଙ୍କ ଅଜା ଅଭିଯୋଗ କରିଥିଲେ। ପରେ ରମ୍ଭା ପୋଲିସ ୪/୨୦ରେ ମାମଲା ରୁଜୁକରି ତଦନ୍ତ ଚଳାଇଥିଲା l
ଶନିବାର ସାଇଣ୍ଟିଫିକ ଟିମ୍ ସନ୍ଧାନୀ କୁକୁର ନେଇ ତଦନ୍ତ କରିଛି। ଶ୍ରୀ ସାଇ ସରସ୍ବତୀ ବିଦ୍ୟାମନ୍ଦିର ମୁଖ୍ୟ ପରିଚାଳକଙ୍କୁ ନେଇ ଟିମ୍ ଘଟଣାସ୍ଥଳ ପରିଦର୍ଶନ କରିଛି l ଏହି ସମୟରେ ଛତ୍ରପୁର ଏସ୍ଡିପିଓ ଗୌତମ କିଷାନ, ରମ୍ଭା ଥାନା ଆଇଆଇସି କୃଷ୍ଣ ଚନ୍ଦ୍ର ସେଠୀ ପ୍ରମୁଖ ଉପସ୍ଥିତ ଥିଲେ l