ତିର୍ତ୍ତୋଲ,୨୪।୧୦(ଡି.ଏନ୍.ଏ.): ଜଗତସିଂହପୁର ଜିଲା ତିର୍ତ୍ତୋଲ ଥାନା ଅନ୍ତର୍ଗତ କନକପୁର ଫାଣ୍ଡି ଅଧୀନ କଟରା ପୋଖରୀରୁ ପୋଲିସ ଏକ ମୃତଦେହ ସକାଳୁ ଉଦ୍ଧାର କରିଛି। କଟରା ପଞ୍ଚାୟତ ଜଜାଙ୍ଗ ଗ୍ରାମର ବନ ସ୍ବାଇଁଙ୍କ ପୁଅ ରଶ୍ମୀରଞ୍ଜନ (୨୮)ଙ୍କର ବୋଲି ପୋଲିସ ଚିହ୍ନଟ କରିଛି। ତାଙ୍କ ବେକରେ କଟାଦାଗ ରହିଥିବା ଦେଖାଯାଇଛି। କେହି ତାଙ୍କୁ ହତ୍ୟା କରି ପୋଖରୀରେ ଫିଙ୍ଗି ଦେଇଥିବା ସନ୍ଦେହ କରାଯାଉଛି। ଦୁଇଦିନ ତଳେ ସେ ଘରୁ ବାଇକ୍ ନେଇ ଯାଇ ଆଉ ଫେରି ନ ଥିଲେ। ସକାଳୁ ତାଙ୍କ ମୃତଦେହ ପୋଖରୀରେ ଭାସୁଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରିରଖିଛି।