ବୁଗୁଡ଼ା,୨୮ା୧୦(ଡି.ଏନ.ଏ.)-ବୁଗୁଡ଼ା ଥାନା ରାବଗଡ଼ ନିକଟସ୍ଥ ଏକ ପୋଖରୀରେ ବୁଡ଼ି ରବିବାର ଜଣେ ମହିଳାଙ୍କ ମୃତ୍ୟୁ ଘଟିଛି। ସେ ହେଲେ ରାବଗଡ଼ର ସରମା ନାୟକ (୫୯)। ଏ ନେଇ ପୋଲିସ ନଂ. ୨୭/୧୯ରେ ଏକ ଅପମୃତ୍ୟୁ ମାମଲା ରୁଜୁ କରିଛି।
ଦୀପାବଳି ଅମବାସ୍ୟା ଉପଲକ୍ଷେ ଅପରାହ୍ନରେ ସରମା କୁସୁମଗାଡ଼ିଆ ନାମକ ଏକ ପୋଖରୀକୁ ବାଳୁଙ୍ଗା ଆଣିବାକୁ ଯାଇ ତାଙ୍କ ଗୋଡ଼ ପୋଖରୀରେ ଥିବା ପଙ୍କରେ ଲାଗି ଯାଇଥିଲା। ଫଳରେ ସେ ସେଠାରୁ ଆଉ ବାହାରି ନ ପାରି ବୁଡ଼ି ଯାଇଥିଲେ। ସରମା ଘରକୁ ନ ଫେରିବାରୁ ପରିବାର ଲୋକେ ଚାରିଆଡ଼େ ବହୁ ଖୋଜାଖୋଜି କରିଥିଲେ ମଧ୍ୟ ପାଇନଥିଲେ। ସୋମବାର ୧୦ଟାରେ ତାଙ୍କର ଭାଇ ପୋଖରୀରେ ଭାସୁଥିବା ମହିଳାଙ୍କୁ ଦେଖି ତୁରନ୍ତ ପୋଲିସକୁ ଜଣାଇଥିଲେ। ବୁଗୁଡ଼ା ଆଇଆଇସି ସୀତାଂଶୁ ଶେଖର ମାନ୍ଧାତା ସଦଳବଳ ଘଟଣାସ୍ଥଳରେ ପହଞ୍ଚତ୍ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଭଞ୍ଜନଗର ମେଡିକାଲ ପଠାଇଥିବା ଜଣାପଡ଼ିଛି।