ରାଜନଗର, ୩୦।୯(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ କଣ୍ଡିରା ପଞ୍ଚାୟତ ନଳଯୋଡ଼ି ଗ୍ରାମରେ ସୋମବାର ପୋଖରୀରେ ବୁଡ଼ି ଜଣେ ଶିଶୁପୁତ୍ରର ମୃତ୍ୟୁ ଘଟିଛି। ସେ ହେଲେ ସନାତନ ସ୍ବାଇଁଙ୍କ ଦେଢ଼ ବର୍ଷର ପୁତ୍ର ଶ୍ୱାତୀକ।
ପ୍ରକାଶ ଯେ, ଶ୍ୱାତୀକ ପୋଖରୀ ନିକଟରେ ଖେଳୁଥିବା ବେଳେ ଅସାବଧାନତା ଯୋଗୁ ବୁଡ଼ି ଯାଇଥିଲେ। ସ୍ଥାନୀୟ ଲୋକେ ଦେଖି ପୋଖରୀରେ ଜାଲ ପକାଇ ତାଙ୍କୁ ଉଦ୍ଧାରକରି ରାଜନଗର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ନେଇ ରାଜନଗର ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି।