ଫରିଦାବାଦ,୨୮।୫: ହରିୟାଣା ଫରିଦାବାଦରୁ ଅମାନବିକତା ଓ ନିଷ୍ଠୁରତା ଶେଷ ସୀମାର ଏକ ଚିତ୍ର ସାମ୍ନାକୁ ଆସିଛି। ଜଣେ ପୋଲିସ କନେଷ୍ଟବଳ ମହିଳାଙ୍କୁ ବେଲ୍ଟରେ ମାଡ଼ମାରୁଥିବା ଦେଖିବାକୁ ମିଳିଛି। ଏହି ଘଟଣା ଦେଖିବାକୁ ମିଳିଛି ବଲମଗଢ଼ ଆଦର୍ଶ ନଗର ଥାନାରେ। ଥାନାର ପରିସରରେ ୫ ପୋଲିସ କର୍ମୀ ଥିବା ବେଳେ ମଝିରେ ଅସହାୟ ମହିଳା ଥିବା ଭିଡିଓରେ ଦେଖିବାକୁ ମିଳିଛି। କିଏ ଚେୟାରରେ ବସିଛି ତ କିଏ ଭିଡିଓ କରୁଛି ଆଉ ୨ଜଣ ମଝିରେ ଠିଆ ହୋଇ ଅସହାୟ ମହିଳାଙ୍କୁ ଜେରା କରିବା ସହ ବେଲଟ୍ରେ ନିସ୍ତୁକ ମାଡ଼ ମାରୁଛନ୍ତି। ଏହି ଭିଡିଓଟି ୨୦୧୮ର ହୋଇଥିବା ବେଳେ ରବିବାର ରାତିରେ ଏହା ଭାଇରାଲ ହୋଇଛି। ଭାଇରାଲ ହେବା ପରେ ମାମଲାର ଯାଞ୍ଚ କରାଯାଇ ୫ ପୋଲିସକର୍ମୀଙ୍କ ନଁାରେ ମାମଲା ରୁଜୁ କରାଯାଇଛି। ଏଥିସହ ୨ଜଣ ହେଡ କନେଷ୍ଟବଳଙ୍କୁ ନିଲମ୍ବିତ ଓ ୩ ଏସ୍ପିଓଙ୍କୁ ବହିଷ୍କାର ପାଇଁ ନିର୍ଦ୍ଦେଶ ଦେଇଛନ୍ତି ପୋଲିସ କମିଶନର।