ବ୍ରହ୍ମପୁର ଅଫିସ,୧୯ା୪-କରୋନା ମହାମାରୀକୁ ନେଇ ସାରା ବିଶ୍ୱବାସୀ ଆତଙ୍କିତ। ଏହି ସମୟରେ ସଂକ୍ରମଣକୁ ପ୍ରତିରୋଧ କରିବାକୁ ଲାଗୁ କରାଯାଇଥିବା ଲକ୍ଡାଉନ୍କୁ ସଫଳ କରିବାକୁ ନେଇ ପ୍ରଶାସନିକ ଅଧିକାରୀ, ପୋଲିସ ପ୍ରଶାସନ ଅପ୍ରାଣ ଉଦ୍ୟମ ଜାରି ରଖିଛନ୍ତି । ଏଭଳି ଏକ ମହାମାରୀ ତଥା ବିପର୍ଯ୍ୟୟ ସମୟରେ ଦୀର୍ଘ ଦିନ ଧରି ଜନସାଧାରଣଙ୍କ ଜୀବନ ରକ୍ଷା ପାଇଁ ନିଜ ପରିବାରକୁ ପଛରେ ପକାଇ ସେବା ଯୋଗାଇ ଆସୁଥିବା ପୋଲିସ, ପ୍ରଶାସନିକ ଅଧିକାରୀଙ୍କୁ ସମ୍ବର୍ଦ୍ଧିତ କରିଛନ୍ତି ବ୍ରହ୍ମପୁର କିନ୍ନର ମହାସଂଘ। ଶନିବାର ଲାଞ୍ଜିପଲ୍ଲୀ ବାଇପାସ୍, ଟାଟାବେଞ୍ଜ ଛକ ସମେତ ସହରର ବିଭିନ୍ନ ସ୍ଥାନରେ ଦିବାରାତ୍ର ଲକ୍ଡାଉନ୍କୁ ସଫଳ କରିବା ସହ ଜନଗହଳିକୁ ପ୍ରତିରୋଧ ଦିଗରେ କାର୍ଯ୍ୟ କରୁଥିବା ପୋଲିସ ଅଧିକାରୀଙ୍କୁ ଫୁଲଚନ୍ଦନ ଏବଂ ଅଙ୍ଗବସ୍ତ୍ର ପ୍ରଦାନ ପୂର୍ବକ କିନ୍ନର ମହାସଂଘ ସମ୍ବର୍ଦ୍ଧିତ କରିଛନ୍ତି । କାର୍ଯ୍ୟରତ ପୋଲିସ ଅଧିକାରୀଙ୍କୁ ଶୁଭେଚ୍ଛା ଜଣାଇବା ସହ ଏଭଳି ଏକ ଘଡିସନ୍ଧି ମୁହୂର୍ତ୍ତରେ ସରକାରଙ୍କ ନିୟମ ମାନି ଘରେ ରହିବାକୁ ଜନସାଧାରଣଙ୍କୁ ସଚେତନ କରାଉଛନ୍ତି ା ସଭାପତି ସୁଇଟି ସାହୁଙ୍କ ସମେତ ଶାନ୍ତି ପଣ୍ଡା, ଲଭ୍ଲି କିନ୍ନର, ପ୍ରୀତି, ବିନ୍ଦିଆ, ରଞ୍ଜିତ, ବାବୁଲା ଓ ରିପୁନ୍ ପ୍ରମୁଖ ସଂଘ କର୍ମକର୍ତ୍ତା ଉପସ୍ଥିତ ଥିଲେ ା