ଭବାନୀପାଟଣା,୨୨।୨(ଡି.ଏନ୍.ଏ.): ଓଡ଼ିଶା ପୋଲିସ ମହାନିର୍ଦ୍ଦେଶକ ଅଭୟ ଶନିବାର କଳାହାଣ୍ଡି ଜିଲା ଗସ୍ତ କରିଛନ୍ତି। ମାଓବାଦୀଙ୍କ ଗତିବିଧି ସମ୍ପର୍କରେ ରିଜର୍ଭ ପୋଲିସ କାର୍ଯ୍ୟାଳୟରେ ଆୟୋଜିତ ଏକ ସମୀକ୍ଷା ବୈଠକରେ ସେ ଯୋଗ ଦେଇଥିଲେ। ପରେ ଜିଲା ପୋଲିସ କାର୍ଯ୍ୟାଳୟଠାରେ ଆୟୋଜିତ ଏକ ଖବରଦାତା ସମ୍ମିଳନୀରେ ଅଭୟ ଖବରଦାତାମାନଙ୍କୁ ମାଓବାଦୀଙ୍କ ସମୀକ୍ଷା ତଥା ପୋଲିସ ବିଭାଗର ତପତ୍ରତା ସମ୍ପର୍କରେ ସୂଚନା ଦେଇଥିଲେ।
ଅବିଭକ୍ତ କଳାହାଣ୍ଡି ଜିଲାକୁ ଘଞ୍ଚ ଜଙ୍ଗଲ ଓ ଦୁର୍ଗମ ପାହାଡ଼ ଘେରି ରହିଥିବାରୁ ମାଓବାଦୀଙ୍କ ପାଇଁ ଏହା ଭୂସ୍ବର୍ଗ ପାଲଟିଛି। କଳାହାଣ୍ଡି ଜିଲା ଲାଞ୍ଜିଗଡ, ଥୁଆମୂଳ ରାମପୁର ଓ ମଦନପୁର ରାମପୁର ବ୍ଲକର ବିଭିନ୍ନ ଅଞ୍ଚଳରେ ଅନେକ ସମୟରେ ମାଓବାଦୀମାନେ ପୋଷ୍ଟର ମାରି, ଠିକା କ୍ୟାମ୍ପ କରି ଅତର୍କିତ ଆକ୍ରମଣ କରିବା ସହିତ ଅଗ୍ନି ସଂଯୋଗ କରି, ପୋଲିସ ଇନ୍ଫର୍ମର ସନ୍ଦେହରେ ସାଧାରଣ ଲୋକଙ୍କୁ ହତ୍ୟା ଧମକ ଦେଉଛନ୍ତି। ପ୍ରଜାକୋର୍ଟ ବସାଇ ହତ୍ୟାଭଳି ଜଘନ୍ୟକାଣ୍ଡ ଘଟାଇ ନିଜର ଉପସ୍ଥିତି ଜାହିର କରି ଆସୁଥିବା ଅଭୟ କହିଛନ୍ତି। ଏଭଳି ପରିସ୍ଥିତିରେ ଜିଲା ପୋଲିସ ମଧ୍ୟ ମାଓବାଦୀମାନଙ୍କୁ ଉପଯୁକ୍ତ ଜବାବ ଦେବାରେ ବ୍ୟାପକ ପ୍ରସ୍ତୁତ ହୋଇରହିଛି। ମାଓବାଦୀମାନଙ୍କ ଗତିବିଧି ଉପରେ ଜିଲା ପୋଲିସ ପ୍ରଶାସନର ତୀକ୍ଷ୍ଣ ନଜର ରହିଛି ବୋଲି ସେ ସୂଚନା ଦେଇଛନ୍ତି। ଏଥିରେ ଅଭୟଙ୍କ ସହିତ ଇଣ୍ଟେଲିଜେଣ୍ଟ ପର୍ସନାଲ ଡିଜି ସତ୍ୟଜିତ ମହାନ୍ତି, ଏଡିଜି ବିନୟତୋଷ ମିଶ୍ର, ଆଇଜିପି ଅପରେଶନ୍ ଅମିତାଭ୍ ଠାକୁର, ଡିଆଇଜି ଅନିରୁଦ୍ଧ କୁମାର, ଡିଆଇଜି କୋରାପୁଟ ସଫିନ୍ ଅହମ୍ମଦ, ରାୟଗଡ଼ା ଏସ୍ପି, କନ୍ଧମାଳ ଏସ୍ପି, କଳାହାଣ୍ଡି ଏସ୍ପି ପ୍ରମୁଖ ଉପସ୍ଥିତ ଥିଲେ।