ଆରଡ଼ି,୨୮ା୮(ଡି.ଏନ୍.ଏ.): ଭଦ୍ରକ ଜିଲା ଧାମନଗର ବ୍ଲକ ବାପୁଜୀ ନୋଡାଲ ହାଇସ୍କୁଲ କ୍ଲଷ୍ଟର ଅଧୀନ ବାଙ୍କସାହି ପ୍ରାଥମିକ ବିଦ୍ୟାଳୟରେ ବୁଧବାର କିଛି ଛାତ୍ରଙ୍କ ଅଭିଭାବକ ତାଲା ପକାଇ ଦେଇଥିଲେ। ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଫୁଲ୍ଲ ବିଶ୍ବାଳ ଏ ନେଇ ଧୁଷୁରୀ ଥାନାରେ ଅଭିଯୋଗ କରିଥିଲେ। ଥାନା ଏଏସ୍ଆଇ ଧୃତରାଷ୍ଟ୍ର ମଲ୍ଲିକ ସେହି ବିଦ୍ୟାଳୟରେ ପହଞ୍ଚି ତାଲା ପକାଇ ଥିବା ଅଭିଭାବକଙ୍କ ସହ ଆଲୋଚନା କରିଥିଲେ। ପରେ ବିଦ୍ୟାଳୟରୁ ତାଲା ଖୋଲା ଯିବା ସହ ଶିକ୍ଷାକାର୍ଯ୍ୟ ସ୍ବାଭାବିକ ହୋଇଥିବା ଜଣାପଡ଼ିଛି। ଅଭିଯୋଗକାରୀ ବିଦ୍ୟାଳୟରେ ଅନିୟମିତ ଭାବେ ଶିକ୍ଷାପରିଚାଳନା କମିଟି ଗଠିତ ହୋଇଥିବା ଦର୍ଶାଇଥିଲେ। ପରେ ସିଆର୍ସିସି ପ୍ରଦୀପ ଦାଶ, ଏବିଇଓ ଶ୍ରୀଚରଣ ମଲ୍ଲିକ ବିଦ୍ୟାଳୟରେ ପହଞ୍ଚି ବିଭିନ୍ନ ବିଷୟରେ ତଦନ୍ତ କରିଥିବା ଜଣାପଡ଼ିଛି।