କାମାକ୍ଷାନଗର/ଭୁବନ, ୨୨।୩(ଡି.ଏନ.ଏ.) – ଭାରତରେ କାୟାବିସ୍ତାର କରୁଛି କରୋନା ଭାଇରସ୍। ଏହାକୁ ରୋକିବାକୁ ଏବେ ଉଭୟ ରାଜ୍ୟ ଏବଂ କେନ୍ଦ୍ର ସରକାର ଗୁରୁତ୍ୱ ଦେଉଥିବାବେଳେ ସଂକ୍ରମଣ ପ୍ରତିହତ କରିବାକୁ ସବୁସ୍ତରରେ ଉଦ୍ୟମ ଆରମ୍ଭ ହୋଇଛି। ଏ ନେଇ ପ୍ରତିଦିନ ନୂଆ ଗାଇଡ୍ ଲାଇନ୍ ଜାରି ହେଉଛି। ଏହାକୁ ଜନମାନସରେ ପ୍ରଚାର କରିବା ଦାୟିତ୍ୱ ନେଇଛନ୍ତି ପ୍ରଶାସନିକ ଅଧିକାରୀ। ଅନ୍ୟପଟେ କରୋନାକୁ ନେଇ ଏବେ ଗଁ।ଠୁ ସହର ଯାଏ ଏକ ପ୍ରକାର ଅସ୍ବାଭାବିକ ମାହୋଲ ସୃଷ୍ଟି ହୋଇଛି। ସମସ୍ତଙ୍କ ମନରେ ଦ୍ୱନ୍ଦ୍ୱ ଏବଂ ଆଶଙ୍କା। ଏପରି ପରିସ୍ଥିତିର ମୁକାବିଲା କରିବାକୁ କରିବାକୁ ପିଲାଠୁ ବୟସ୍କ ଯାଏ ସଚେତନ ରହିବା ଜରୁରୀ ବୋଲି ଆହ୍ବାନ ଦିଆଯାଉଛି।
ସରକାରୀ ଗାଇଡ୍ ଲାଇନ୍ ଜାରି କରାଯିବା ପରେ କାମାକ୍ଷାନଗର ବ୍ଲକ ସଦରରେ ଶନିବାର ହାତ ଗଣତି ଗ୍ରୋସରି, ଔଷଧ ଦୋକାନକୁ ବାଦ୍ ଦେଲେ ଅନ୍ୟ ସବୁ ବ୍ୟବସାୟିକ ପ୍ରତିଷ୍ଠାନ ବନ୍ଦ ରହିଥିଲା। ଥାନାଧିକାରୀ ଅଭିନବ ଡାଳୁଆ ସଦଳବଳ ସହରରେ ପଇଁତରା ମାରି ବ୍ୟବସାୟୀଙ୍କ ସହ ଆଲୋଚନା କରିଥିଲେ। ପ୍ରଶାସନର ନିଷ୍ପତ୍ତିକୁ ସମ୍ମାନ ଜଣାଇ ସମସ୍ତେ ଦୋକାନ ବନ୍ଦ କରିଥିଲେ। କର୍ମଚାରୀ ଆସୁ ନ ଥିବାରୁ ସରକାରୀ କାର୍ଯ୍ୟାଳୟ ଖଁ। ଖଁ। ଲାଗୁଥିଲା। ବିଜୁ ପଟ୍ଟନାୟକ ବସ୍ଷ୍ଟାଣ୍ଡରେ ହାତଗଣତି ବସ୍ ଯାତ୍ରୀଶୂନ୍ୟ ଥିଲା। କେବଳ ସ୍ବାସ୍ଥ୍ୟକେନ୍ଦ୍ରକୁ ବାଦ୍ଦେଲେ ସାରା ସହର ଦିନସାରା ଜନଶୂନ୍ୟ ଲାଗୁଥିଲା। ପ୍ରଶାସନ ପକ୍ଷରୁ ଉପଜିଲାପାଳ ଇଂ. ବିଷ୍ଣୁପ୍ରସାଦ ଆଚାର୍ଯ୍ୟ ବ୍ୟବସାୟୀ, ଯାତ୍ରୀଙ୍କୁ କରୋନା ପ୍ରତିରୋଧୀ ବ୍ୟବସ୍ଥା ସମ୍ପର୍କରେ ଅବଗତ କରାଇଥିଲେ। ତହସିଲଦାର ସଞ୍ଜୟ ରାଉତ, ବିଡିଓ ବିକାଶ ମହାନ୍ତି, ଥାନାଧିକାରୀ ଅଭିନବ ଡାଳୁଆ, ଏନ୍ଏସି ନିର୍ବାହୀ ଅଧିକାରୀ ବିରଜା ପ୍ରସାଦ ରଥ ପ୍ରମୁଖ ଉପସ୍ଥିତ ଥିଲେ।
ସେହିପରି ଭୁବନରେ ପ୍ରଶାସନ ପକ୍ଷରୁ ସଚେତନତା କାର୍ଯ୍ୟକ୍ରମ ହାତକୁ ନିଆଯାଇଛି।
ଦୋକାନ ବଜାରରେ ଅଧିକ ଗହଳି ନ କରିବା, ମାସ୍କ ବ୍ୟବହାର, ପରିଷ୍କାର ପରିଚ୍ଛନ୍ନ ରହିବା ନେଇ ତହସିଲଦାର ଶକ୍ତିକାନ୍ତ ରାଏ, ବିଡିଓ ଆଶୀର୍ବାଦ ପରିଡ଼ା, ଥାନାଧିକାରୀ ନିର୍ମଳା ଗୋଚ୍ଛାୟତ, ଏନ୍ଏସି ନିର୍ବାହୀ ଅଧିକାରୀ ପ୍ରମୋଦ ବରାଳ ପ୍ରମୁଖ ଜନତାଙ୍କୁ ସଚେତନ କରାଇଥିଲେ।