CHRISTCHURCH, NEW ZEALAND - JANUARY 30: Hanuma Vihari of India A (R) is congratulated by Shubman Gill of India A after scoring a half century during Day 1 of the Test Series between New Zealand A and India A at Hagley Oval on January 30, 2020 in Christchurch, New Zealand. (Photo by Kai Schwoerer/Getty Images)
ଖ୍ରୀଷ୍ଟଚର୍ଚ୍ଚ, ୩୦।୧ (ପି.ଟି.)- ଘରୋଇ ନ୍ୟୁଜିଲାଣ୍ଡ-ଏ ଓ ଭାରତ-ଏ ମଧ୍ୟରେ ଗୁରୁବାରଠାରୁ ଏଠାରେ ପ୍ରଥମ ଅନ୍ଅଫିସିଆଲ ଟେଷ୍ଟ ମ୍ୟାଚ୍ ଆରମ୍ଭ ହୋଇଛି। ଏହି ୪ ଦିବସୀୟ ମ୍ୟାଚ୍ରେ ଟସ୍ ହାରି ବ୍ୟାଟିଂ ଆମନ୍ତ୍ରଣ ପାଇଥିବା ଭାରତ-ଏ ପ୍ରଥମ ଇନିଂସରେ ମାତ୍ର ୨୧୬ ରନରେ ସୀମିତ ରହିଛି। ଭ୍ରମଣକାରୀ ଭାରତ-ଏ ପକ୍ଷରୁ ଅଧିନାୟକ ହନୁମା ବିହାରୀ (୫୧) ଓ ଶୁବମନ ଗିଲ (୮୩) ଅର୍ଦ୍ଧଶତକୀୟ ଇନିଂସ ଖେଳିଥିଲେ। ଅନ୍ୟମାନଙ୍କ ମଧ୍ୟରେ ମୟଙ୍କ ଅଗ୍ରଓ୍ବାଲ (୦), ଅଭିମନ୍ୟୁ ଈଶ୍ୱରନ (୮), ପ୍ରିୟଙ୍କ ପଞ୍ଚଲ (୧୮), ବିଜୟ ଶଙ୍କର (୮) ଓ ଶ୍ରୀକର ଭରତ (୧୬) ପ୍ରମୁଖ ନିରାଶ କରିଥିଲେ। ଭାରତ-ଏ ପ୍ରାରମ୍ଭରୁ ୩୪ ରନରେ ୩ ଉଇକେଟ୍ ହରାଇ ସଙ୍କଟରେ ପଡ଼ିଥିଲା। କିନ୍ତୁ ଗିଲ୍ ଓ ବିହାରୀ ୪ର୍ଥ ଉଇକେଟ୍ ଯୋଡ଼ିରେ ୧୧୯ ରନର ଭାଗୀଦାରି କରି ସ୍ଥିତି ସଜାଡ଼ିଥିଲେ। ନ୍ୟୁଜିଲାଣ୍ଡ-ଏ ପକ୍ଷରୁ ମିଚେଲ ରେ ୪ଟି, କୋଲ୍ ମ୍ୟାକ୍କୋଞ୍ଚତ୍ ୩ଟି ଉଇକେଟ୍ ନେଇଥିଲେ। ଜବାବରେ ନ୍ୟୁଜିଲାଣ୍ଡ-ଏ ଗୁରୁବାର ପ୍ରଥମ ଦିବସ ଷ୍ଟମ୍ପ୍ସ ଅପସାରଣ ସୁଦ୍ଧା ୩୩ ଓଭରରେ ୨ ଉଇକେଟ୍ ହରାଇ ୧୦୫ ରନ୍ ସଂଗ୍ରହ କରିଛି। ଓ୍ବିଲି ୟଙ୍ଗ୍ ୨୬ ଓ ଅଜିଜ୍ ପଟେଲ ୧ ରନ କରି ଅପରାଜିତ ରହିଛନ୍ତି। ରେଚିନ ରବୀନ୍ଦ୍ର ୪୭ ଓ ହାମିଶ ରଦରଫୋର୍ଡ ୨୮ ରନ କରି ଆଉଟ୍ ହୋଇଛନ୍ତି। ଭାରତ-ଏ ପକ୍ଷରୁ ମହମ୍ମଦ ସିରାଜ ଓ ଇଶାନ ପୋରେଲ ଗୋଟିଏ ଲେଖାଏ ଉଇକେଟ ନେଇଛନ୍ତି। ଇନିଂସ ଅଗ୍ରଣୀ ପାଇଁ ଘରୋଇ ଦଳ ଆହୁରି ୧୧୧ ରନ ଆବଶ୍ୟକ କରୁଛି।