ମୁମ୍ବାଇ: ବଲିଉଡ୍ ନାୟକ ସୁଶାନ୍ତ ସିଂ ରାଜପୁତ ସମସ୍ତଙ୍କ ନିକଟରୁ ସବୁଦିନ ପାଇଁ ବିଦାୟ ନେଇଥିଲେ ମଧ୍ୟ ଏହାକୁ କେହି ସହଜରେ ଗ୍ରହଣ କରିପାରୁ ନାହାନ୍ତି। ବଲିଉଡ୍ ନାୟିକା ସାରା ଅଲି ଖାଁ ତାଙ୍କ ପ୍ରଥମ ଡେବ୍ୟୁ ଫିଲ୍ମ ‘କେଦାରନାଥ’ ସୁଶାନ୍ତଙ୍କ ସହ କରିଥିବା ବେଳେ ଏବେ ସେ ତାଙ୍କ କୋ-ଷ୍ଟାରଙ୍କ ଅନୁପସ୍ଥିତିକୁ ବେଶ୍ ଅନୁଭବ କରୁଛନ୍ତି। ସୁଶାନ୍ତଙ୍କ ସହ କଟାଇଥିବା ସମୟର ଏକ ଫଟୋ ସାରା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଶେୟାର କରି ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ଫଟୋଟି କେଦାରନାଥ ସେଟ୍ର। ଫଟୋରେ ଉଭୟ ଖୁବ୍ ଖୁସିଥିବା ଦେଖାଯାଇଛି। ବେଶ୍ ଶାନ୍ତ ସ୍ବଭାବର ନାୟକ ସୁଶାନ୍ତଙ୍କ ଅକାଳ ବିୟୋଗ ସମସ୍ତଙ୍କୁ ଏକ ପ୍ରକାର ଝଟ୍କା ଦେଇଛି। କେଦାରନାଥ ଭଳି ରୋମାଣ୍ଟିକ ଫିଲ୍ମରେ କାମ କରି ସାରା-ସୁଶାନ୍ତ ତାଙ୍କ ଅନ୍ ସ୍କ୍ରିନ୍ କେମେଷ୍ଟ୍ରିରେ ଦର୍ଶକଙ୍କୁ ଦିଓ୍ବାନା କରି ଦେଇଥିଲେ।
