ଭବିଷ୍ୟତ ପାଇଁ ପ୍ରତ୍ୟେକଙ୍କୁ ଚାକିରିଟିଏ ନିତାନ୍ତ ଆବଶ୍ୟକ। ତେବେ ଚାକିରିର ପ୍ରଥମ ଦରମା ଯେତିକି ଖୁସି ଦେଇଥାଏ, ତାହାକୁ ଖର୍ଚ୍ଚ କରିବା ପାଇଁ ମଧ୍ୟ ସେତିକି ଚିନ୍ତାରେ ପକାଇଥାଏ। ପ୍ରଥମ ଦରମାକୁ କିପରି ଖର୍ଚ୍ଚ କରିବେ ସେ ନେଇ ଅନେକେ ଚିନ୍ତାରେ ପଡ଼ିଯାନ୍ତି। ମାତ୍ର ଭୁଲ୍ ଉପାୟରେ ଖର୍ଚ୍ଚ କରିବା ଫଳରେ ଟଙ୍କା କିପରି ବରବାଦ ହୋଇଯାଏ ଜଣାପଡ଼ି ନ ଥାଏ। ଏହିଭଳି ଅଭ୍ୟାସରୁ ବଞ୍ଚିବାପାଇଁ ଯୋଜନା ପ୍ରସ୍ତୁତକରି ଟଙ୍କା ଖର୍ଚ୍ଚ କରନ୍ତୁ। ତେବେ ଜାଣନ୍ତୁ ସେ ସମ୍ପର୍କରେ କିଛି ଟିପ୍ସ…
ବଜେଟ
ପ୍ରଥମେ ଆପଣଙ୍କୁ ଆୟ ଓ ବ୍ୟୟର କଳନା କରିବାକୁ ପଡ଼ିବ। ଯଦି ଖର୍ଚ୍ଚ ଅଧିକ ହୋଇଥାଏ ତେବେ ଜାଣିବାକୁ ଚେଷ୍ଟା କରନ୍ତୁ ଆପଣଙ୍କ କଷ୍ଟାର୍ଜିତ ଟଙ୍କା କେଉଁଥିରେ ଖର୍ଚ୍ଚ କରିଛନ୍ତି ।
ସଞ୍ଚୟ
ଖର୍ଚ୍ଚର ହିସାବ ପରେ କିଛି ଟଙ୍କା ସଞ୍ଚୟ ରଖିବା ଜରୁରୀ । ସଞ୍ଚୟ ଟଙ୍କାର ମାତ୍ରା ଯେତେ ଛୋଟ ହୋଇଥାଉ ନା କାହିଁକ, ଏହା ଆପଣଙ୍କ ଖର୍ଚ୍ଚକୁ କମ୍ କରିଥାଏ। ଏହା ସହ ଆବଶ୍ୟକ ବେଳେ ଆପଣଙ୍କୁ କାହାର ସାହାଯ୍ୟ ନେବାକୁ ପଡ଼ିବନି।
ନିବେଶ
ଟଙ୍କାକୁ କେବଳ ସଞ୍ଚୟକରି ନୁହେଁ ବରଂ ଏହାକୁ ଅନ୍ୟ ସ୍ଥାନରେ ନିବେଶ କରିବା ମଧ୍ୟ ଶିଖନ୍ତୁ। ଆପଣ ମ୍ୟୁଚୁଆଲ ଫଣ୍ଡ, ଫିକ୍ସ ଡିପୋଜିଟ ଆଦିରେ ନିବେଶ କରିପାରିବେ।
କ୍ରେଡିଟ୍ କାର୍ଡ ପ୍ରୟୋଗ ବନ୍ଦ କରନ୍ତୁ
ଅଧିକାଂଶ ଯୁବପିଢ଼ିଙ୍କ ଏହା ଅଭ୍ୟାସ ହୋଇଗଲାଣି ବ୍ୟାଙ୍କରୁ କ୍ରେଡିଟ୍ କାର୍ଡ ନେଇ ଆବଶ୍ୟକରୁ ଅଧିକ ଟଙ୍କା ଖର୍ଚ୍ଚ କରିବା। ଏହା ବନ୍ଦ କରିବା ଆବଶ୍ୟକ। ନଚେତ୍ କରଜରେ ବୁଡ଼ିବା ଥୟ।
ଜରୁରୀ ପରିସ୍ଥିତି
ଜରୁରୀ ପରିସ୍ଥିତି ପାଇଁ ନିଜ ପାଖରେ କିଛି ଟଙ୍କା ରଖିଥାନ୍ତୁ, ଯାହା ଅନେକ କାମରେ ଆସିଥାଏ।