ନୂଆଦିଲ୍ଲୀ,୧।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର ଦାୟିତ୍ୱ ନେବାର ପ୍ରଥମ ଦିନରେ ରୋଷେଇଘରେ ମହଙ୍ଗା ମାଡ଼ କରିଛି। ଏନେଇ ଶନିବାର କଂଗ୍ରେସ ପକ୍ଷରୁ ରଣଦୀପ୍ ସିଂ ସୁରେଜଓ୍ବାଲ ଅଭିଯୋଗ କରିଛନ୍ତି। ମୋଦି ସରକାର ବିନା ସବସିଡ୍ ସିଲିଣ୍ଡର ଦାମ୍ ୨୫ ଟଙ୍କା ବୃଦ୍ଧି କରିଥିବାବେଳେ ସବସିଡ୍ ସିଲିଣ୍ଡର ଦାମ୍ ଏକଟଙ୍କା ୨୩ ପଇସା ବୃଦ୍ଧି କରିଛନ୍ତି। ସରକାର ଏହି ମୂଲ୍ୟ ବୃଦ୍ଧିକୁ ଶୀଘ୍ର ହଟାଇନେବା ଆବଶ୍ୟକ ବୋଲି ସେ ଦାବି କରିଛନ୍ତି। ମୋଦି ସରକାର ଲଗାତାର ୪ର୍ଥ ମାସରେ ରୋଷେଇ ଗ୍ୟାସ୍ ଦାମ୍ରେ ବୃଦ୍ଧି କରିଥିବା ରଣଦୀପ୍ କହିଛନ୍ତି।