ମୁମ୍ବାଇ: ବଲିଉଡ୍ ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଓ ତାଙ୍କ ସ୍ବାମୀ ନିକ୍ ଜୋନସ୍ ରବିବାର ପ୍ରଥମ ବିବାହ ବାର୍ଷିକୀ ପାଳନ କରିଛନ୍ତି। ଏହି ଅବସରରେ ସେମାନଙ୍କର କିଛି ପୁରୁଣା ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ବିବାହ ପୂର୍ବରୁ ବେଶ୍ କିଛିଦିନ ଏମାନଙ୍କ ରିଲେସନଶିପକୁ ନେଇ ଆଲୋଚନା ଚାଲିଥିଲା। ହେଲେ ଏମାନେ ଏହାକୁ ସ୍ପଷ୍ଟ କରୁ ନ ଥିଲେ। ଶେଷରେ ଧିରେ ଧିରେ ଉଭୟ ଏହାକୁ ସ୍ବୀକାର କରିବା ସହ ବିବାହ ବନ୍ଧନରେ ବାନ୍ଧି ହୋଇଥିଲେ।
ଗତବର୍ଷ ଡିସେମ୍ବର ୧ରେ ଏହି ଯୋଡି ଯୋଧପୁରର ଉମ୍ମେଦ ଭବନ ପ୍ୟାଲେସରେ ବିବାହ କରିଥିଲେ। ଏହାପରେ ତାଙ୍କ ଓ୍ବେଡିଂ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏମାନେ ହିନ୍ଦୁ ଓ ଖ୍ରୀଷ୍ଟିୟନ ରିତିନୀତି ଅନୁଯାୟୀ ବିବାହ କରିଥିଲେ। ନିକ୍ ଜଣେ ଆମେରୀକିୟ ସିଙ୍ଗର ହୋଇଥିବାରୁ ପ୍ରିୟଙ୍କା ବିବାହ ପରେ ଆମେରିକା ସିପ୍ଟ ହୋଇ ଯାଇଥିଲେ। ରବିବାର ତାଙ୍କ ପ୍ରଥମ ବିବାହ ବାର୍ଷିକୀ ଥିବା ବେଳେ ନିକ୍ ଏକ ସରପ୍ରାଇଜ୍ ପାର୍ଟି ପ୍ରିୟଙ୍କାଙ୍କ ପାଇଁ ରଖିଥିଲେ ବୋଲି ପୂର୍ବରୁ ଆଲୋଚନା ହେଉଥିଲା। ହେଲେ କେହି ଏହାକୁ ଖୋଲି କହୁ ନ ଥିଲେ।