ପ୍ୟାରିସ,୨୬।୫(ଏଏଫ୍ପି)- ଜର୍ମାନୀ ୫ମ ସିଡ୍ ତଥା ଓ୍ବିମ୍ବେଲଡନ ଓପନ ଚାମ୍ପିୟନ ଆଞ୍ଜେଲିକ୍ କର୍ବର ଏଠାରେ ଆରମ୍ଭ ହୋଇଥିବା ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଫ୍ରେଞ୍ଚ ଓପନର ପ୍ରଥମ ରାଉଣ୍ଡରୁ ବିଦାୟ ନେଇଛନ୍ତି। କର୍ବରଙ୍କୁ ରୁଷିଆର ଟିନଏଜ ଆନାଷ୍ଟାସିଆ ପୋଟାପୋଭା ୬-୪, ୬-୨ ସେଟ୍ରେ ପରାସ୍ତ କରିଛନ୍ତି। ଏହା ୮୧ତମ ର଼୍ୟାଙ୍କଧାରୀ ରୁଷିଆ ଖେଳାଳିଙ୍କ ଟପ୍-୧୦ ର଼୍ୟାଙ୍କଧାରୀ ଖେଳାଳିଙ୍କ ବିପକ୍ଷରେ ପ୍ରଥମ ବିଜୟ। ୧୮ ବର୍ଷୀୟ ପୋଟାପୋଭା ଏହି ବିଜୟ ସହ ଫ୍ରେଞ୍ଚ ଓପନରେ ପଦାର୍ପଣ କରିଛନ୍ତି। ଅନ୍ୟପକ୍ଷରେ ୩୧ ବର୍ଷୀୟ ଜର୍ମାନୀ ଖେଳାଳି କ୍ୟାରିୟରର ୬ଷ୍ଠ ଥର ପାଇଁ ରୋଲାଣ୍ଡ ଗାରୋସର ପ୍ରଥମ ରାଉଣ୍ଡରୁ ବିଦାୟ ନେଇଛନ୍ତି।