ପ୍ୟାରିସ,୨୪ା୧୦ (ପି.ଟି.)- ଭାରତୀୟ ଶଟଲର କିଡାମ୍ବି ଶ୍ରୀକାନ୍ତ ଓ ପାରୁପଲ୍ଲି କାଶ୍ୟପ ଏଠାରେ ଚାଲିଥିବା ଫ୍ରେଞ୍ଚ ଓପନ ଟୁର୍ନାମେଣ୍ଟର ପ୍ରଥମ ରାଉଣ୍ଡ ଅତିକ୍ରମ କରିବାରେ ବିଫଳ ହୋଇଛନ୍ତି। ବୁଧବାର ୫୫ ମିନିଟ୍ ଧରି ଚାଲିଥିବା କଡ଼ା ସଂଘର୍ଷପୂର୍ଣ୍ଣ ମ୍ୟାଚ୍ରେ ଶ୍ରୀକାନ୍ତ ୨୧-୧୫, ୭-୨୧, ୧୪-୨୧ ଗେମ୍ରେ ଚାଇନିଜ ତାଇପେର ଚୋଉ ତିଏନଙ୍କଠାରୁ ପରାସ୍ତ ହୋଇଛନ୍ତି। ସେହିଭଳି କାଶ୍ୟପ ହଂକଂର ଏନ୍ଜିକା ଲଙ୍ଗ ଅଙ୍ଗୁସଙ୍କ ଠାରୁ ୧୧-୨୧, ୯-୨୧ ଗେମ୍ରେ ହାରି ଯାଇଛନ୍ତି। ସମୀର ବର୍ମାଙ୍କୁ ମଧ୍ୟ ସମାନ ଫଳାଫଳର ସମ୍ମୁଖୀନ ହେବାକୁ ପଡ଼ିଛି। ତାଙ୍କୁ ୨୨-୨୦, ୧୮-୨୧, ୧୮-୨୧ ଗେମ୍ରେ ଜାପାନର କେଣ୍ଟା ନିଶିମୋଟୋ ପରାସ୍ତ କରିଛନ୍ତି। ଏବେ କେବଳ ଭାରତୀୟ ଶଟଲର ଭାବେ ଶୁଭଙ୍କର ଦେ ଟୁର୍ନାମେଣ୍ଟରେ ତିଷ୍ଟି ରହିଛନ୍ତି। ସେ ଦ୍ୱିତୀୟ ରାଉଣ୍ଡରେ ଇଣ୍ଡୋନେସିଆର ଶେସାର ହିରେନ ରୁଷ୍ଟାଭିଟୋଙ୍କୁ ଭେଟିବେ।
