କନ୍ନଡ ଫିଲ୍ମ ଇଣ୍ଡଷ୍ଟ୍ରୀର ଜଣେ ଦକ୍ଷ ଅଭିନେତା ଚିରଞ୍ଜୀବୀ ସାରଜାଙ୍କ ପରଲୋକ ଘଟିଛି। ତାଙ୍କ ପରଲୋକରେ ସାଉଥ ଫିଲ୍ମ ଇଣ୍ଡଷ୍ଟ୍ରୀରେ ଶୋକର ଲହରୀ ଖେଳିଯାଇଛି। ସବୁଠୁ ଦୁଃଖଦ କଥା ହେଉଛି ତାଙ୍କ ସ୍ତ୍ରୀ ମେଘନା ରାଜ ଗର୍ଭବତୀ ଥିଲେ। ପ୍ରଥମ ସନ୍ତାନର ମୁହଁ ଦେଖିବା ପୂର୍ବରୁ ଦୁନିଆ ଛାଡିଯାଇଛନ୍ତି ଚିରଞ୍ଜୀବୀ। ୨୦୦୯ ମସିହାରେ କନ୍ନଡ଼ ଫିଲ୍ମ ‘ବାୟୁପୁତ୍ର’ରୁ ଡେବ୍ୟୁ କରିଥିଲେ। ସେ ୨୦ରୁ ଅଧିକ ଫିଲ୍ମରେ ଅଭିନୟ କରିଛନ୍ତି। ସେ ସାଉଥ ଇଣ୍ଡିଆନ ଷ୍ଟାର ଅର୍ଜୁନ ସାରଜାଙ୍କ ପୁତୁରା ଥିଲେ। ସେହିପରି ଅଭିନେତା ଧ୍ରୁବ ସାରଜା ହେଉଛନ୍ତି ତାଙ୍କ ଭାଇ। ଚିରଞ୍ଜୀବୀଙ୍କ ପରଲୋକରେ କର୍ନାଟକ ମୁଖ୍ୟମନ୍ତ୍ରୀ ବି.ଏସ ୟେଦୁରପ୍ପା ଓ ପ୍ରସିଦ୍ଧ କ୍ରିକେଟ୍ର ଅନୀଲ କୁମ୍ବଲେ ପ୍ରମୁଖ ମଧ୍ୟ ଶୋକ ପ୍ରକାଶ କରିଛନ୍ତି।
