ପ୍ରଦୂଷଣ ବଢୁଥିବାରୁ ସରକାରଙ୍କ ବିରୋଧରେ ମାମଲା କରିବାକୁ ଅଣ୍ଟା ଭିଡିଲେ ଲୋକେ

ଜାକର୍ତ୍ତା,୮।୭: ଇଣ୍ଡୋନେସିଆର ରାଜଧାନୀ ଜାକର୍ତ୍ତାରେ ଏବେ ପ୍ରଦୂଷଣ ସ୍ତର ବଢିବାରେ ଲାଗିଛି। ଗତ ଜୁନ୍‌ ମାସରୁ ସହରର ବାୟୁ ପ୍ରଦୂଷଣ ସ୍ତର ଦିଲ୍ଲୀ ଓ ବେଜିଂକୁ ଟପିଯାଇଥିବା ଦେଖାଯାଇଛି। ଏହାକୁ ଦେଖି ଏବେ ପରିବେଶବିତ୍‌ ଓ ସାଧାରଣ ଜନତା ମିଳିତ ଭାବେ ସରକାରଙ୍କ ବିରୋଧରେ ମାମଲା କରିବାକୁ ଆଗେଇ ଆସିଛନ୍ତି। ଏମାନଙ୍କ କହିବା କଥା ହେଲା ବାୟୂ ପ୍ରଦୂଷଣକୁ ନେଇ ସରକାର ସଚେତନ ହେଉ ନ ଥିବାରୁ ଏହା ଦିନକୁ ଦିନ ବୃଦ୍ଧି ପାଇବାରେ ଲାଗିଛି।