ବଡବିଲ,୮ା୧୦(ସ୍ବ.ପ୍ର.)- କେନ୍ଦୁଝର ଜିଲା ବଡବିଲରେ ଦୁର୍ଗାପୂଜା ଖୁବ ଜାକଜମକର ସହ ପାଳନ କରାଯାଇଥାଏ। ବିଶେଷ କରି ମାଟକାମବେଡାସ୍ଥିତ କଳିଙ୍ଗନଗରଠାରେ ପ୍ରଶସ୍ତ ଅଞ୍ଚଳରେ ପୂଜା ଅବସରରରେ ମେଳା ବସିଥାଏ। ମୀନାବଜାର, ବିଭିନ୍ନ ରକମର ଦୋଳି, ବାସନକୁସନ, ଘରୋଇ ଉପକରଣ ଓ ଭିନ୍ନ ଭିନ୍ନ ପ୍ରଦେଶର ଫୁଡ ଷ୍ଟଲ ଆଦି ଏହି ମେଳାରେ ସ୍ଥାନ ପାଇଛି। ବେଶ ଭଲ ବେପାର ହେବ ବୋଲି ବ୍ୟବସାୟୀମାନେ ଆଶା ରଖିଥିଲେ। ମାତ୍ର ଗତ ୨ ଦିନ ହେଲା ଅପରାହ୍ନରେ ପ୍ରବଳ ବର୍ଷା ଯୋଗୁ ମେଳାରେ ଜନସମାଗମ କମ୍ ହୋଇଥିତ୍ବା ପରିଲ୍ଲଖିତ ହୋଇଛି। ଏଥିନେଇ ବ୍ୟବସାୟୀମାନେ ହତାଶ ହୋଇ ପଡିଛନ୍ତି। ଲାଭ ନ ହେଲେବି ମୂଳଧନ ଉଠିବା କାଠିକର ପାଠ ବୋଲି କେତେକ ବ୍ୟବସାୟୀ କହିଛନ୍ତି॥
