ବ୍ରହ୍ମପୁର ଅଫିସ,୨୪।୫-ବ୍ରହ୍ମପୁର ରେଳଷ୍ଟେସନ ୪ ନମ୍ବର ପ୍ଲାଟଫର୍ମରେ ରବିବାର ଅପରାହ୍ନ ସୁଦ୍ଧା ପହଞ୍ଚିଲା ୪ଟି ଟ୍ରେନ। ପ୍ରଥମ ଟ୍ରେନଟି ତାମିଲନାଡୁରୁ ୮୯୮ ଜଣ ପ୍ରବାସୀ ଓଡ଼ିଆଙ୍କୁ ଧରି ଆସିଥିବାବେଳେ ଏଥିରେ ଗଞ୍ଜାମ ଜିଲାର ରହିଛନ୍ତି ୬୩୬ ଜଣ। ଦ୍ବିତୀୟ ଟ୍ରେନ ସୁରଟରୁ ୧୬୩୫ ଜଣ ପ୍ରବାସୀ ଓଡ଼ିଆଙ୍କୁ ନେଇ ଆସିଥିବା ବେଳେ ଏଥିରେ ଗଞ୍ଜାମ ଜିଲାର ୧୫୭୭ ଜଣ ଅଛନ୍ତି । ସେହିପରି ତୃତୀୟ ଟ୍ରେନ ସୁରଟରୁ ୧୭୪୮ଜଣ ପ୍ରବାସୀ ଓଡ଼ିଆଙ୍କୁ ନେଇ ଆସିଥିବା ବେଳେ ଏଥିରେ ୧୬୯୭ ଜଣ ଗଞ୍ଜାମ ଜିଲାର ରହିଛନ୍ତି। ଚତୁର୍ଥ ଟ୍ରେନ ସୁରଟରୁ ୧୫୮୫ ଜଣ ପ୍ରବାସୀ ଓଡ଼ିଆଙ୍କୁ ନେଇ ଆସିଥିବା ବେଳେ ଏଥିରେ ୧୫୩୪ ଜଣ ଗଞ୍ଜାମ ଜିଲାର ରହିଛନ୍ତି। ପ୍ରତ୍ୟେକ ଟ୍ରେନ ବ୍ରହ୍ମପୁର ରେଳଷ୍ଟେସନରେ ପହଞ୍ଚିବା ପରେ ସମସ୍ତଙ୍କର ସ୍କ୍ରିନିଂ କରାଯିବା ପରେ ସ୍ବତନ୍ତ୍ର ବସ ଯୋଗେ ସେମାନଙ୍କୁ କ୍ବାରାଣ୍ଟାଇନ ସେଣ୍ଟରକୁ ପଠାଯାଇଛି। ପ୍ରବାସୀ ଓ କିଭଳି ସୁରକ୍ଷିତ ଭାବେ କ୍ବାରାଣ୍ଟାଇନ ସେଣ୍ଟରକୁ ଯିବେ ସେ ନେଇ ଜିଲା ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଥିଲା। ରବିବାର ରାତି ସୁଦ୍ଧା ଆଉ ୫ ଟି ଟ୍ରେନ ପହଞ୍ଚିବ ବୋଲି ରେଳବାଇ ମେନେଜର ଦୁର୍ଗା ପ୍ରସାଦ ବ୍ରମହା ସୂଚନା ଦେଇଛନ୍ତି।